मुंबई, 2 फेब्रुवारी : शहरातील चेंबूर परिसरात असलेल्या सिद्धार्थ कॉलनीतील एका घरात गुरुवारी (1 फेब्रुवारी) रात्री सिलेंडरचा भीषण स्फोट झाल्याची धक्कादायक घटना समोर आली. दरम्यान, या स्फोटानंतर घरामध्ये आग लागली होती.
या आगीत 9 जण गंभीर जखमी झाले असून सर्व जखमींना उपचारासाठी जवळच्या रुग्णालयात दाखल करण्यात आले. दरम्यान, घटनास्थळी अग्निशमन दलाच्या जवानांनी आग आटोक्यात आणली आहे.
संगीता गायकवाड, यशोदा गायकवाड, जितेंद्र कांबळे, यशोदा गायकवाड, नर्मदा गायकवाड, रमेश गायकवाड, श्रेयश सोनकांबळे या सहा जणांवर मुंबईतील राजावाडी रुग्णालयात उपचार सुरू आहेत. तर श्रेया गायकवाड, वृषभ गायकवाड या दोघांवर सायन रुग्णालयात उपचार सुरू आहेत. तसेच संदीप जाधव यांच्यावरही शताब्दी रुग्णालयात उपचार सुरू आहेत.
हेही वाचा : ग्रामसेवकाने शेतकऱ्याकडे मागितली लाच अन् ACB पथकाने पकडले रंगेहाथ, चोपडा तालुक्यातील घटना
