मुंबई, 16 ऑक्टोबर : पारनेरमध्ये शरद पवार गटाला मोठा धक्का बसला असून माजी नगराध्यक्ष विजय औटी, धनगर समाजाचे नेते शिवाजीराव गुजर यांच्यासह प्रमुख नेत्यांनी मुंबईत पक्षाध्यक्ष अजित पवार यांच्या उपस्थितीत राष्ट्रवादीत प्रवेश केला.
पारनेर विधानसभा मतदारसंघाचे माजी जिल्हा परिषद उपाध्यक्ष सुजित झावरे, माजी बांधकाम सभापती काशिनाथ दाते, माजी जिल्हा परिषद सदस्य माधवराव लामखेडे, माजी नगराध्यक्ष विजय सदाशिव औटी, धनगर समाजाचे नेते शिवाजीराव गुजर यांनी आपल्या समर्थकांसह जाहीरपणे राष्ट्रवादीत प्रवेश केला आहे. विधानसभा निवडणुकीच्या पार्श्वभूमीवर अजित पवार यांच्या नेतृत्वाखालील राष्ट्रवादीला पक्षप्रवेशामुळे बळ मिळाले आहे.
महायुती सरकारचे रिपोर्ट कार्ड सादर –
राज्यातील विधानसभा निवडणुकीची घोषणा काल पार पडली. यानंतर आज महायुतीने संयुक्त पत्रकार परिषद घेत सरकारचे रिपोर्ट कार्ड सादर केले. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांनी महायुती सरकारने केलेल्या कामांचा लेखाजोखा आज पत्रकार परिषदेत मांडले आहे. यावेळी केंद्रीय मंत्री रामदास आठवले, खासदार सुनिल तटकरे, आमदार प्रविण दरेकर तसेच प्रसाद लाड, सदाभाऊ खोत आदी उपस्थित होते.
हेही वाचा : महायुतीची संयुक्त पत्रकार परिषद, मुख्यमंत्री-उपमुख्यमंत्र्यांनी रिपोर्ट कार्ड केले सादर
