ईसा तडवी, प्रतिनिधी
पाचोरा, 25 जून : पाचोरा परिवहन विभागातर्फे एम. एम. कनिष्ठ महाविद्यालयातील मुलींना पुण्यश्लोक आहिल्यादेवी होळकर मोफत पास वाटपाचा कार्यक्रम नुकताच महाविद्यालयामध्ये संपन्न झाला. या उपक्रमाचे अंतर्गत परिवहन विभागाच्या वतीने आगार व्यवस्थापक प्रकाश पाटील, कार्यशाळा सहाय्यक अधीक्षक योगेश जाधव त्यासोबतच वाहतूक नियंत्रक गोकुळ पाटील यांना एम.एम. महाविद्यालयातर्फे उपप्राचार्य प्रा. एस.एस. पाटील पर्यवेक्षक डॉ. जे. पी. बडगुजर यांच्यातर्फे सन्मानित करण्यात आले.
कनिष्ठ महाविद्यालयातील विद्यार्थ्यांसाठी पुण्यश्लोक अहिल्यादेवी होळकर मोफत पास वाटपाच्या या कार्यक्रमासाठी कनिष्ठ महाविद्यालयातील सर्व प्राध्यापक बंधू-भगिनी, तसेच विद्यार्थी उपस्थित होते.
पुण्यश्लोक अहिल्यादेवी होळकर मोफत बस पास योजना –
पुण्यश्लोक अहिल्यादेवी होळकर मोफत बस पास योजना ही महाराष्ट्र शासनाच्या वतीने ग्रामीण भागातील मुलींसाठी राबवली जाते. या योजनेंतर्गत इयत्ता 5 वी ते 12 वीपर्यंतच्या विद्यार्थिनींना एसटी बसमधून शाळेपर्यंत मोफत प्रवासाची सुविधा दिली जाते. शाळेची नियमित उपस्थिती राखणाऱ्या मुलींना तिमाही आधारावर बस पास वितरित केला जातो. यामुळे मुलींच्या शिक्षणातील अडथळे दूर होऊन शाळेतील उपस्थिती वाढण्यास मदत होते. ही योजना विशेषतः आर्थिकदृष्ट्या दुर्बल आणि दुर्गम भागातील विद्यार्थिनींसाठी उपयुक्त ठरते. मुलींच्या सशक्तीकरणासाठी ही योजना महत्त्वाची आहे.
