भडगाव, 11 जानेवारी : भडगाव शेतकरी सहकारी संघाच्या चेअरमन व व्हाईस चेअरमन पदांसाठी झालेल्या निवड प्रक्रियेत राजेंद्र लालचंद परदेशी आणि हिरामण सुखदेव पाटोळे यांची अनुक्रमे बिनविरोध निवड झाली. ही निवड प्रक्रिया सहायक निवडणूक निर्णय अधिकारी महेश कासार यांच्या अध्यक्षतेखाली पार पडली.
चेअरमन व व्हाईसचेअरमनपदी बिनविरोध निवड –
चेअरमन व व्हाईस चेअरमन पदासाठी प्रत्येकी एकच अर्ज प्राप्त झाल्याने दोन्ही पदांवर बिनविरोध निवड जाहीर करण्यात आली. नवनिर्वाचित पदाधिकाऱ्यांचा सत्कार पाचोरा-भडगावचे आमदार किशोर आप्पा पाटील यांच्या हस्ते, संचालक मंडळाचे सदस्य व नागरिकांच्या उपस्थितीत करण्यात आला.
यावेळी प्रतापराव पाटील, जयवंत पाटील, खुमानसिंग पाटील, प्रभाकर पाटील, अमोल पाटील, गुलाब पाटील, रायचंद परदेशी, हिरामण पाटोळे, शुभांगी पाटील, योजना पाटील, भीमराव पाटील, नागेश वाघ, वराज पाटील, सुधाकर पाटील, डॉ. प्रमोद पाटील, महेंद्र ततार, जगन भोई, सुरेश पाटील, साहेबराव पाटील, दिलीप नरवाडे, विशाल भोई, अनिल पाटील यांच्यासह अनेक मान्यवर उपस्थित होते. कार्यक्रमाचे सूत्रसंचालन व आभार प्रदर्शन भैयासाहेब पाटील यांनी केले.
हेही वाचा : आज घडणार इतिहास, तब्बल 20 वर्षांनी शिवाजी पार्कवर उद्धव ठाकरे-राज ठाकरेंची संयुक्त जाहीर सभा
