जळगाव, 17 ऑगस्ट : जिल्ह्यात महिला-बालिका अत्याचाराच्या घटना ताज्या असतानाच एक धक्कादायक प्रकार समोर आला आहे. जळगाव शहरात एका महाविद्यालयीन मुलीला ब्लॅकमेल करत अत्याचार केल्याची धक्कादायक घटना घडली आहे.
काय आहे संपूर्ण प्रकरण –
जळगाव शहरात एका महाविद्यालयीन विद्यार्थिनिशी स्वतःचे नाव बदलून मैत्री केली व विद्यार्थिनीसोबत सेल्फी फोटो काढले. दरम्यान, दोन तरुणांनी ते फोटो व्हायरल करण्याची धमकी देत अत्याचार केल्याची धक्कादायक घटना घडली आहे. तसेच या मुलीवर अत्याचार करतानाचेही फोटो चित्रित करून तरुणीला सातत्याने ब्लॅकमेल केले जात होते.
दोघांना अटक –
महाविद्यालयीन मुलीला वर्षभरापासून सुरू असलेला हा किळसवाणा प्रकार असाह्य झाल्याने तिने याप्रकरणी रामानंद पोलिसात तक्रार दिली. दरम्यान, याप्रकरणी धुळे जिल्ह्यातील साक्री येथील इम्रान शब्बीर मन्यार व परभणी येथील इकबाल खान या दोन संशयीतांना रामानंद पोलिसांनी अटक केली आहे. तसेच संशयीतांकडून चार मोबाईल व एक लॅपटॉप पोलिसांनी जप्त केला आहे.
संशयितांकडून जप्त केलेल्या लॅपटॉपमध्ये अन्य काही मुलींचेही आक्षेपार्ह फोटो आढळून आले आहेत. या फोटोच्या माध्यमातून या तरुणींवर देखील अशाच प्रकारे अत्याचार करून ब्लॅकमेल केला जात असल्याचा संशय व्यक्त केला जात आहे.
