ईसा तडवी, प्रतिनिधी
पाचोरा, 26 एप्रिल : राज्यातील उत्कृष्ट कामगिरी करणाऱ्या पोलिसांसाठी पोलीस महासंचालक सन्मानचिन्हाची घोषणा करण्यात आली आहे. दरम्यान, जळगाव जिल्ह्यातील अकरा पोलिसांचा यामध्ये समावेश असून पाचोर्यातील डीवायएसपी कार्यालयातील पोलीस कर्मचारी शकील शेख यांना हे सन्मानचिन्ह देण्यात येणार आहे.
पाचोर्यातील डीवायएसपी कार्यालयातील पोलीस कर्मचारी शकील शेख यांनी पोलीस खात्यातील उत्तम कामगिरी केली असल्याने त्यांच्या कार्याची दखल घेत महाराष्ट्र राज्याचे नवनिर्वाचित पोलीस महासंचालक रश्मी शुक्ला यांच्या हस्ते पोलीस महासंचालक सन्मान चिन्ह घोषणा झाली. दरम्यान, 1 मे रोजी महाराष्ट्र दिनाच्या निमित्ताने त्यांना हे सन्मानचिन्ह देण्यात येणार आहे. शकील शेख यांचे सर्वत्र अभिनंदन केले जात आहे.
हेही वाचा : राज्यातील ‘या’ लोकसभा मतदारसंघात 8 जागांसाठी मतदानाला सुरूवात, वाचा, ताज्या अपडेट्स
