यवतमाळ, 4 सप्टेंबर : यवतमाळ जिल्ह्यातील आर्णी- केळापूर विधानसभा मतदारसंघाचे भाजप आमदार डॉ. संदीप धुर्वे यांनी उमरखेडमध्ये दहीहंडी महोत्सवानिमित्त आयोजित केलेल्या कार्यक्रमात प्रसिद्ध नृत्यांगना गौतमी पाटीलसोबत ठेका धरला. याबाबतचा व्हिडिओ सोशल मीडियावर प्रचंड व्हायरल झाला आहे. तर या व्हिडिओबाबत विरोधक तसेच नेटकऱ्यांकडून विविध प्रतिक्रिया व्यक्त केल्या जात आहे.
दहीहंडी महोत्सवानिमित्त गौतमी पाटीलचा कार्यक्रम –
यवतमाळ उमरखेडमध्ये भाजप आमदार नामदेव सासाने आणि भाजप समन्वयक नितीन भुतडा यांनी मंगळवारी 3 सप्टेंबर रोजी जिल्हा परिषद शाळेच्या प्रांगणात हा दहीहंडी महोत्सव आयोजित केला होता. या दहीहंडी महोत्सवाची प्रसिद्ध नृत्यांगना गौतमी पाटील ही प्रमुख आकर्षण होती. या कार्यक्रमात मध्यप्रदेशचे मंत्री आणि यवतमाळ जिल्हा संघटनात्मक प्रभारी प्रल्हादसिंग पाटील यांचीही प्रमुख उपस्थिती होती.
View this post on Instagram
आमदाराचा गौतमी पाटीलसोबत डान्स केल्याचा व्हिडिओ व्हायरल –
दहीहंडीनिमित्त नृत्यांगना गौतमी पाटीलचा कार्यक्रम घेतल्याने या कार्यक्रमास नागरिकांनी प्रचंड गर्दी केली. या कार्यक्रमात चक्क सत्ताधारी पक्षाच्या आमदारांनीच गौतमीसोबत मंचावर ठेका धरल्याने याबाबतचा व्हिडिओ सोशल मीडियावर प्रचंड व्हायरल झाला आहे.
आमदार डॉ. संदीप धुर्वे यांच्यावर टीका –
राज्यभरात गेल्या दोन-तीन दिवसांपुर्वी झालेल्या पावसामुळे विविध भागांत शेतपिकांचे नुकसान झाले आहे. अनेक गावात अद्यापही पूर परिस्थिती निर्माण झाली आहे. अशा काळात या पार्श्वभूमीवर सत्ताधारी-विरोधी पक्षातील नेत्यांकडून थेट बांधावर जाऊन पाहणी केली जात असताना यावरून विरोधकांकडून जोरदार टीका केली जातेय.
हेही वाचा : Video : “…..तर महाराजांचा पुतळा कोसळला नसता,” केंद्रीय मंत्री नितीन गडकरी यांचं मोठ विधान
