अहमदनगर, 6 ऑक्टोबर : उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांची जनसन्मान यात्रा आज अहमदनगर जिल्ह्यातील अकोले विधानसभा मतदारसंघात पोहोचली. उपमुख्यमंत्र्यांनी अकोले विधानसभा मतदारसंघात विकास कामांच्या उद्धाटन केल. अकोलेचे आमदार डॉ. किरण लहामटे देखील उपस्थित होते. यावेळी अजित पवार यांनी क्रांतिवीर राघोजी भांगरे, भगवान बिरसा मुंडा यांना अभिवादन केले, तसेच माता कळसूबाई, भगवान अगस्त्य ऋषी आणि भगवान अमृतेश्वर यांना वंदन केले.
अजित पवार काय म्हणाले? –
विधानसभा पार्शवभूमीवर अजित पवार यांनी आदिवासी समाजाशी संवाद साधला. आज राज्यव्यापी जनसन्मान यात्रेदरम्यान त्यांनी समाजाच्या पारंपारिक नृत्यात सहभाग घेतला. समाजाप्रती सहानुभूती व्यक्त करताना ते म्हणाले, नरहरी झिरवाळ यांच्या नेतृत्वात झालेल्या आंदोलनामुळे मला दु:ख झाले आहे. आदिवासी समाजाचे दु:ख मी समजू शकतो आणि आम्ही त्यांच्या समस्या दूर करू.
अकोले विधानसभा मतदारसंघातील अकोले बाजार तळ येथे महिलांच्या भव्य मेळाव्याला ही त्यांनी संबोधित केले. कार्यक्रमादरम्यान काही महिलांना बसायला जागा नसल्याचे दिसून आले. अजितदादांनी यावेळी पोलिस अधिकाऱ्यांना महिलांची बसण्याची व्यवस्था करण्याच्या सूचना दिल्या.
राष्ट्रवादीचे आमदार किरण लहामटे यांच्या विकासकामांचे कौतुक करताना ते म्हणाले, अकोले बसस्थानकाचा प्रश्न सोडविण्याचे काम आमदारांनी केले आहे. सरकारने तीन वर्षांत विकास प्रकल्पांसाठी सुमारे २५०० कोटी रुपयांची तरतूद केली आहे, अशी माहितीही त्यांनी दिली. सरकारच्या महत्त्वाकांक्षी योजना माजी लाडकी बहिण योजनेबाबत बोलताना ते म्हणाले की, पुढील दोन महिन्यांचा म्हणजेच ऑक्टोबर-नोव्हेंबरचा हप्ता सरकार आठ दिवसांत देईल.
आगामी विधानसभा निवडणुकीत मतदारांनी महायुतीला पाठिंबा द्यावा, असे आवाहन करताना अजित पवार म्हणाले की, कृपया महायुतीला पाठिंबा द्या, आमचे घड्याळ (पक्षाचे चिन्ह) या भागात असेल, किरण लहामटे यांना पाठिंबा द्या.असे अजित पवार यावेळी म्हणाले.
हेही पाहा : महाराष्ट्राच्या नवदुर्गा : गुजरातमधील लिंबायतच्या आमदार, खान्देशकन्या Sangita Patil यांची मुलाखत
