ईसा तडवी, प्रतिनिधी
भडगाव, 15 एप्रिल : भडगाव तालुक्यातील गुढे येथे संत सेना महाराज मंदिराचा प्राणप्रतिष्ठा सोहळा संपन्न झाला. प्राणप्रतिष्ठा सोहळ्याच्या कलश स्थापना व मूर्ती मिरवणुकीत शिवसेना-उध्दव बाळासाहेब ठाकरे पक्षाच्या वैशाली सुर्यवंशी यांनी सहभागी होऊन आशिर्वाद घेतले.
गुढे येथे संत सेना महाराज यांच्या भव्य मंदिराची उभारणी करण्यात आली आहे. कालपासून यासाठी प्राणप्रतिष्ठा सोहळा सुरू झाला आहे. काल पहिल्या दिवशी कलश स्थापना करण्यात आल्यानंतर मूर्तीची गावातून शोभायात्रा काढण्यात आली. यात वैशाली सुर्यवंशी या सहभागी झाल्या.
प्रारंभी वैशाली सुर्यवंशी यांच्याहस्ते मूर्तीचे पूजन करण्यात आले. यानंतर गावातून भव्य शोभायात्रा काढण्यात आली. यात ग्रामस्थ मोठ्या संख्येने सहभागी झाले. यामध्ये महिलांचा समावेश लक्षणीय होता. यात वैशाली यांच्या सोबत अनिल नामदेव मोरे, रवींद्र चिंधा मोरे, गौतम अंबू मोरे, गौतम गंभीर मोरे, संतोष राहुल मोरे, मच्छिंद्र विकास मोरे प्रकाश आबा बागुल, वाल्मीक युवराज बागुल, आकाश सुरेश पवार, गौतम श्रावण मोरे, पोपट माणिक मोरे, आबा अशोक मोरे किशोर भाऊ मोरे नाना सुपडू मोरे, सतीश अभिमन पाटील, तुकाराम हिलाल माळी, महेंद्र एकनाथ माळी, संजय भिकन पाटील, संजय सुधाकर पाटील आदी मान्यवर शोभायात्रेत सहभागी झाले.
