जळगाव, 8 सप्टेंबर : धरणगाव तालुक्यातील पाळधी येथील अवैध जुगार अड्ड्यावर जळगावच्या स्थानिक गुन्हे शाखेने मोठी कारवाई केल्याची बातमी समोर आली आहे. पाळधी येथील शाम कॉलनीतील एका घराच्या दुसऱ्या मजल्यावर सुरु असलेल्या अवैध जुगार अड्ड्यावर एलसीबीने मोठी कारवाई करत 16 जणांना ताब्यात घेतले असून जुगार साहित्यासह एकूण 12 लाख 24 हजार 260 रूपयांचा मुद्देमाल हस्तगत करण्यात आला. याप्रकरणी धरणगाव पोलिसांत गुन्हा दाखल करण्यात आला आहे.
काय आहे संपुर्ण बातमी? –
मिळालेल्या माहितीनुसार, स्थानिक गुन्हे शाखेचे वरिष्ठ पोलीस निरीक्षक राहुल गायकवाड यांना 8 सप्टेंबर रोजी पाळधी येथे अवैध जुगार अड्डा सुरु असल्याबाबत माहिती मिळाली होती. यानंतर त्यांनी स्थानिक गुन्हे शाखेचे पोउपनि. शरद बागल यांचे पथक तयार करून छापा टाकण्याचे आदेश दिले.
अन् पाळधी येथील अवैध जुगार अड्ड्यावर पोलिसांचा छापा –
दरम्यान, पोउपनि. शरद बागल व पथकातील पोलीस अंमलदार यांनी मिळालेल्या गोपनिय माहितीप्रमाणे पाळधी येथे शाम कॉलनी येथील एका घराचे दुस-या मजल्यावर सुरु असलेल्या अवैध जुगार अड्डयावर छापा कारवाई करण्यात आली. यामध्ये 16 आरोपींना ताब्यात घेत त्यांचेकडुन रोख रक्कम 7 लाख 22 हजार 260 रूपये तसेच 5 लाख 2 हजार रुपये किंमतीचे वेगवेगळया कंपनीचे मोबाईल फोन असा एकुण जुगार साहित्यासह 12 लाख 24 हजार 260 रूपयांचा मुद्देमाल हस्तगत करण्यात आला. याप्रकरणी धरणगाव पोलीस स्टेशनमध्ये गुन्हा नोंद करण्यात आला आहे.
‘यांनी’ केली कारवाई –
सदर कारवाई जळगाव जिल्हा पोलीस अधीक्षक डॉ. महेश्वर रेड्डी, अपर पोलीस अधीक्षक कविता नेरकर आणि उपविभागीय पोलीस अधिकारी आण्णासाहेब घोलप यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक राहुल गायकवाड यांच्या मार्गदर्शनाखाली पोउपनि. शरद बागल, पोहेकॉ/अक्रम शेख, पोहेकॉ प्रविण भालेराव, पोहकों/मुरलीधर धनगर पोहेकॉ नितीन बाविस्कर, पोहकों/सलीम तडवी, पोहेकॉ विनोद पाटील, पोहेकॉ विजय पाटील, पोकों/रंविंद्र चौधरी, पोकों/रविंद्र कापडने, पोकों/सिंध्देश्वर डापकर, पोकॉ राहुल रगडे पोकॉ/रतन गिते, पोकॉ/मयुर निकम,, चापोहेकॉ भारत पाटील चापोकॉ/ महेश सोमवंशी, चापाकॉ/ प्रमोद ठाकुर स्थानिक गुन्हे शाखा, जळगांव तसेच पाळधी दुरक्षेत्राचे सपोनि. प्रशांत कंडारे, पोकॉ/अमोल धोबी, पोकों/रविंद्र चौधरी यांनी संयुक्तीकरित्या केली.
