ईसा तडवी, प्रतिनिधी
पाचोरा, 23 फेब्रुवारी : पाचोरा तालुक्यातील आखतवाडे येथील उपसरपंच दिपक गढरी यांनी पाचोरा गटशिक्षणाधिकारी समाधान पाटील यांना आखतवाडे येथील जिल्हा परिषद उर्दू शाळेत एका शिक्षकाची तात्काळ नेमणूक करावी यासाठी निवेदन दिले.
काय आहे संपूर्ण बातमी? –
निवेदनात म्हटल्याप्रमाणे, आखतवाडे येथील जि. प. उर्दू शाळा येथे इयत्ता पहिली ते सातवीचे वर्ग आहेत. पहिली ते पाचवीची पटसंख्या 41 आहे आणि सहावी ते सातवीची पटसंख्या 17 आहे. सध्यास्थितीत शाळेत दोनच शिक्षक कार्यरत आहेत. पहिली ते पाचवीमध्ये मागील जून 2023 पासून एका शिक्षकाची जागा रिक्त असल्यामुळे विद्यार्थ्यांचे शैक्षणिक नुकसान होत आहे. म्हणून जि. प. उर्दू शाळा येथे तात्काळ एका शिक्षकाची नियुक्ती करण्यात यावी, अशी मागणी निवदेनात करण्यात आली आहे.
सदर निवेदनावर सरपंच कल्पना पंडितराव गढरी, उपसरपंच दिपक गढरी, ग्रामसेवक आनंद आबाराव मुळे, निजामुद्दीन समसुद्दीन, इसामुद्दिन चिरागउद्दीन, शालेय व्यवस्थापन समितीचे अध्यक्ष आयुबबेग अब्बास बेग, शाबीर शहा सुलेमान शहा, शहबाज खान, सुलतान खान, शबाना बानो शोकत खान, चांदखा जब्बारखा, शौकतखा बशीरखा, कुदबुद्दीन चिराखोद्दीन, सरफराज शहा शाबीर शहा आदींच्या सह्या आहेत.
