सुनील माळी, प्रतिनिधी
पारोळा, 23 फेब्रुवारी : पारोळा येथील भवानी गड संस्थानतर्फे 28 फेब्रुवारी ते 5 मार्च दरम्यान श्री. शिव महापुराण कथेचे आयोजन करण्यात आले आहे. 7 दिवस हर हर महादेवाचा अखंड गजर होणार असून सिहोरचे रुद्राक्षचेही वाटप करण्यात येणार आहे.
शिव महापुराण कथेचे आयोजन –
भवानी गड संस्थानतर्फे विविध धार्मिक कार्यक्रमाचे आयोजन सातत्याने करण्यात येत असते. त्याचाच एक भाग म्हणून 28 फेब्रुवारीपासून संगीतमय श्री. शिव महापुराण कथेचे आयोजन भवानी गड येथे सायंकाळी 5 ते रात्री 8 वाजेदरम्यान करण्यात आले आहे.
महाप्रसादाचे आयोजन –
भवानी गडाचे विश्वस्त डॉ. मंगेश तांबे यांच्या सुमधुर वाणीतून भाविकांना ही कथा श्री. झपाट भवानी मंदीर येथे श्रवण करता येईल. 5 मार्च रोजी रात्री 8 वाजता महाप्रसादाचे आयोजन करण्यात आले आहे. सर्व भक्तांनी संगीतमय श्री शिव महापुराण कथेचा व महाप्रसदाचा लाभ घेण्याचे आवाहन श्री. भवानी गड अन्नदान व उत्सव समिती, श्री सेवा मित्र परिवारातर्फे करण्यात आले आहे.
हेही वाचा : शरद पवार गटाला निवडणूक आयोगाने दिले ‘तुतारीवाला माणूस’ नवे चिन्ह
