जळगाव : मराठी भाषेतील उत्कृष्ट वाड्मय निर्मितीसाठी प्रकाशन वर्ष 2024 करिता राज्य शासनाच्यावतीने देण्यात येणाऱ्या स्व. यशवंतराव चव्हाण राज्य वाड्मय पुरस्कारांसाठीच्या प्रवेशिका पाठविण्याचे आवाहन निवासी उप जिल्हाधिकारी भिमराज दराडे यांनी केले आहे.
पुरस्कारांसाठीच्या सचिव, महाराष्ट्र राज्य साहित्य आणि संस्कृती मंडळ, रवींद्र नाट्यमंदिर इमारत, दुसरा मजला, सयानी मार्ग, प्रभादेवी, मुंबई 400025 अथवा जिल्हाधिकारी कार्यालय, जळगाव येथील सामान्य शाखेत दिनांक 1 जानेवारी, 2025 ते 31 जानेवारी 2025 पर्यंत पाठविता येणार आहेत.
दिनांक 1 जानेवारी, 2024 ते 31 डिसेंबर, 2024 या कालावधीत प्रकाशित झालेली प्रथम आवृत्ती पुस्तके या स्पर्धेसाठी पात्र ठरणार आहे. या स्पर्धेची नियमावली व प्रवेशिका सचिव, महाराष्ट्र राज्य साहित्य आणि संस्कृती मंडळ, रवींद्र नाट्यमंदिर इमारत, दुसरा मजला, सयानी मार्ग, प्रभादेवी, मुंबई 400025 यांच्या कार्यालयात अथवा जिल्हाधिकारी कार्यालयात विनामूल्य उपलब्ध होणआर आहेत.
तसेच महाराष्ट्र शासनाच्या www.maharashtra.gov.in या संकेतस्थळावर “नवीन संदेश” या सदरात स्व. यशवंतराव चव्हाण राज्य वाड्मय पुरस्कार 2024 नियमावली व प्रवेशिका या शिर्षाखाली व ‘What’s new’ या सदरात Late Yashwantrao Chavan State Literature Award 2024 Rules Book and Application Form’ या शीर्षाखाली व महाराष्ट्र राज्य साहित्य आणि संस्कृती मंडळाच्या http://sahitya.marathi.gov.in या संकेतस्थळावर प्रवेशिका व नियमपुस्तिका उपलब्ध आहेत.
प्रवेशिका पूर्णतः भरुन आवश्यक साहित्यासह सचिव, महाराष्ट्र राज्य साहित्य आणि संस्कृती मंडळाच्या कार्यालयात दिनांक 1 जानेवारी, 2025 ते 31 जानेवारी 2025 या विहित कालावधीत पोहचतील अशा बेताने पाठवायच्या आहेत. लेखक/प्रकाशक या स्पर्धेसाठी प्रवेशिका दाखल करू शकतात. लेखक/प्रकाशकांनी मंडळाकडे प्रवेशिका व पुस्तके पाठविताना बंद लिफाफ्यावर/पाकीटावर ‘स्व. यशवंतराव चव्हाण राज्य वाड्मय पुरस्कार 2024 साठी प्रवेशिका’ असा स्पष्ट उल्लेख करावा. प्रवेशिका व पुस्तके स्विकारण्याचा अंतिम दिनांक 31 जानेवारी, 2025 हा राहील. विहित कालमर्यादनंतर येणाऱ्या प्रवेशिका स्पर्धेसाठी स्विकारल्या जाणार नाहीत. याची नोंद इच्छुकांनी घ्यायची आहे.
हेही वाचा – Video : “…त्यांना मी सोडणार नाही!” मंत्री गुलाबराव पाटील यांचा देवकर यांना गंभीर इशारा, नेमकं काय म्हणाले?
