पाचोरा, 1 फेब्रुवारी : पाचोरा येथे उद्या 2 फेब्रुवारीला स्मृतीगंध या एकदिवसीय व्याख्यान उत्सवाचे आयोजन करण्यात आले आहे. या निमित्ताने सुप्रसिद्ध अभिनेत्री डॉ. निशिगंधा वाड यांचे व्याख्यान होणार आहे. मला भेटलेल्या लेकी सुना या विषयावर त्यांचे व्याख्यान होणार आहे.
पाचोरा तालुका सहकारी शिक्षण संस्थेच्या वतीने या व्याख्यानाचे आयोजन करण्यात आले आहे. या कार्यक्रमाला पाचोरा भडगाव तालुक्याचे माजी आमदार आणि राष्ट्रवादी काँग्रेसचे नेते दिलीप ओंकार वाघ यांची प्रमुख उपस्थिती राहणार आहे. पाचोरा तालुका सहकारी शिक्षण संस्थेचे चेअरमन संजय वाघ, व्हाईस चेअरमन विलास जोशी, मानद सचिव अॅड. महेश देशमुख हेदेखील उपस्थित राहणार आहेत.
उद्या 2 फेब्रवारीला गुरुवारी सायंकाळी साडेसात या कार्यक्रमाचे आयोजन करण्यात आले आहे. पाचोरा शहरातील भडगाव रोडवरील श्री. शेठ मुरलीधरजी मानसिंगका साहित्य, विज्ञान व वाणिज्य महाविद्यालयात (SSMM College, Pachora) हा कार्यक्रम होणार आहे. तरी या कार्यक्रमाला सर्वांनी उपस्थित राहावे आणि व्याख्यानाचा लाभ घ्यावा, असे आवाहन करण्यात आले आहे.
