जळगाव, 27 जून : जिल्ह्यातील शेतकऱ्यांसाठी महत्वाची बातमी समोर आली आहे. जळगाव जिल्ह्यात 2022 सालापासून वेळोवेळी झालेल्या नैसर्गिक आपत्तीमुळे शेतीपिकांचे नुकसान झाल्याने त्याबाबत पंचनामे करण्यात आलेले असून नुकसानीसाठी मदत वाटपाबाबत अनुदान मंजुर झालेले आहे. जिल्हा प्रशासनाकडून निवासी उपजिल्हाधिकारी सोपान कासार यांनी याबाबतची माहिती दिली आहे.
काय आहे संपुर्ण बातमी? –
ज्या शेतकऱ्यांचे नुकसान झाले असेल त्या शेतकऱ्यांचे मंजूर झालेले अनुदान संबंधित लाभार्थी यांना बँक खात्यावर डीबीटीद्वारे अदा करावयचे आहे. त्यासाठी लाभार्थी यांनी नजीकच्या आपले सरकार केंद्रांवर ई-केवायसी करणे आवश्यक आहे. तसेच सामुहिक खातेदार असल्यास अशा शेतकऱ्यांनी त्यांचे खात्यातील एका खातेदाराच्या नावाने संमतीपत्र तलाठी यांचेकडे दाखल करणे आवश्यक आहे.
प्रशासनाचे शेतकऱ्यांना आवाहन –
तसेच जळगाव जिल्ह्यातील ज्या शेतकऱ्यांना ई-केवायसी व संमतीपत्राअभावी अनुदान वितरीत करणे प्रलंबित आहे, अशा शेतकऱ्यांना आवाहन करण्यात येते की, आपल्या नजीकच्या आपले सरकार केंद्रांवर जाऊन ई-केवायसी करुन घ्यावी, सदरची सेवा ही निःशुल्क आहे. तसेच एकापेक्षा जास्त सहधारक असलेल्या शेतकऱ्यांनी खात्यातील एका सहधारकाचे नावे संमतीपत्र करुन तलाठी यांचेकडेस तातडीने दाखल करावे.
हेही वाचा : “राज्यातील शेतकऱ्यांना कर्जमुक्त करा!”, उद्धव ठाकरे यांची सरकारकडे मागणी
