मुंबईत टोलमाफी, शेवटच्या मंत्रीमंडळ बैठकीतील 19 मोठे निर्णय वाचा एका क्लिकवर

मुंबई, 14 ऑक्टोबर : महाराष्ट्र विधानसभा निवडणुकीची घोषणा कुठल्याही क्षणी होऊ शकते. असे असताना राज्यात आचारसंहिता लागण्यापुर्वीच महायुती सरकारकडून मोठ्या प्रमाणात निर्णय घेतले जात आहे. दरम्यान, आज पुन्हा एकदा राज्य मंत्रीमंडळ बैठकीचे आयोजने करण्यात आले. आचारसंहिता लागण्याच्या आधी ही शेवटची बैठक असल्याने राज्य मंत्रिमंडळाची बैठक सरकारसाठी महत्वाची होती. मुंबईच्या टोलमाफीसह मंत्रीमंडळ बैठकीतील 19 मोठे निर्णय सरकारच्यावतीने घेण्यात आले.

मुंबईत टोलमाफीचा निर्णय –
मुंबईतील टोलमाफी करण्यात यावी, अशी मागणी गेल्या अनेक वर्षांपासून केली जात होती. दरम्यान, आजच्या मंत्रीमंडळ बैठकीत मुंबईत पाचही टोलनाक्यांवर हलक्या वाहनांना टोलमाफी करण्यात आली आहे. तसेच धारावी पुनर्विकासासाठी मुंबईतील 125 एकर जागा देण्याचा निर्णय महायुती सरकारने घेतलाय. आजच्या मंत्रिमंडळ बैठकीत एकूण 19 निर्णय घेण्यात आले आहे.

मंत्रीमंडळ बैठकीतील 19 मोठे निर्णय –

1. मुंबईतल्या 5 प्रवेश मार्गांवरील पथकर (टोल) हलक्या वाहनांसाठी माफ. आज रात्रौ 12 पासून अंमलबजावणी. (सार्वजनिक बांधकाम)

2. आगरी समाजासाठी महामंडळ (सामाजिक न्याय)

3. समाजकार्य महाविद्यालयांमधील अध्यापकांना करिअर ॲडव्हान्समेंट स्किम (उच्च व तंत्रशिक्षण)

4. दमणगंगा एकदरे गोदावरी नदी जोड योजनेस मान्यता (जलसंपदा)

5. आष्टी उपसा सिंचन योजनेस सुधारित मान्यता (जलसंपदा)

6. वैजापूरच्या शनीदेवगाव बंधाऱ्यास प्रशासकीय मान्यता (जलसंपदा विभाग)

7. राज्य शेती महामंडळाची जमीन एमआयडीसीला हस्तांतरित (महसूल)

8. पाचपाखाडी येथील जमीन ठाणे मनपास प्रशासकीय भवनासाठी (महसूल)

9. खिडकाळी येथील जमीन हायब्रिड स्किल विद्यापीठासाठी विनामूल्य (महसूल)

10. राज्यात प्रधानमंत्री आवास योजना (शहरी ) 2.0 राबविणार

11. पुणे मेट्रो रेल टप्पा-2 मधील रेल्वे मार्गिंकांच्या कामांना मान्यता (नगर विकास)