ईसा तडवी, प्रतिनिधी
पाचोरा, 16 ऑक्टोबर : पाचोरा तालुक्यात मागील महिन्यात झालेल्या अतिवृष्टीमुळे शेतकऱ्यांचे नुकसान झाले आहे. या शेतकऱ्यांना शासकीय अनुदान काही प्रमाणात जाहीर केले आहे. जे अनुदान जाहीर केले ते दिवाळीच्या आधी त्यांच्या खात्यात जमा करा जेणेकरून त्यांची दिवाळी गोड जाईल, आदी मागण्यांसह काँग्रेस, शिवसेना उबाठासह राष्ट्रवादी काँग्रेस महाविकास आघाडीने आज 16 ऑक्टोबर रोजी शहरातील जारगांव चौफुली येथे रास्ता रोको आंदोलन केले.
शेतकऱ्यांच्या संदर्भात खालील मागण्यांसाठी महाविकास आघाडीचे आंदोलन –
- कापूस खरेदीसाठी सीसीआय सुरू करा.
- पुरस्थितीत ज्यांच्या घरात पाणी घुसले त्यांना मंत्री गिरीश महाजन यांनी जाहीर केलेले एक लाख त्वरीत द्या.
- सोयाबीन व ज्वारीची शासकीय खरेदी त्वरीत सुरू करा.
- शेतकरी अनुदान घोटाळ्याची चौकशी त्वरीत करुन ज्यांच्या अनुदान काढले गेले त्यांना त्वरीत पैसे द्या तसेच दोषींवर कारवाई झाली पाहिजे.
- खरडुन गेलेल्या जमीनीचे हेक्टरी पाच लाख त्वरीत रोख स्वरुपात द्या.
- विहीरीत गाळ काढण्यासाठी त्वरीत दोन लाख द्या.
- दुधाळ जनावरे यांच्यासाठी एक लाख रूपयांची द्या.
- शहरातील पंचनामे केलेली नुकसान भरपाई तात्काळ द्यावी.i>
यांची होती उपस्थिती –
अशा शेतकऱ्यांसंदर्भातील विविध मागण्यांचे निवेदन नायब तहसीलदार कुमावत यांना देण्यात आले. यावेळी महाविकास आघाडीचे ठाकरेंच्या शिवसेनेचे उपनेते तथा रावेर लोकसभा संपर्कप्रमुख गुलाबरावजी वाघ, शिवसेनेचे उपजिल्हाप्रमुख उद्धव मराठे, रमेश बाफना, माजी उपजिल्हाप्रमुख अॅड. अभय पाटील, काँग्रेसचे तालुकाध्यक्ष सचिन सोमवंशी, शेख इस्माईल शेख फकीरा, इरफान मणियार, ज्ञानेश्वर पाटील, श्रावण गायकवाड, प्रकाश निकम, संदीप पाटील, चेतन बनसोडे, राष्ट्रवादी काँग्रेसचे नितीन तावडे, शहराध्यक्ष अजहर खान, युवा सेनेचे उपजिल्हाप्रमुख शशिकांत पाटील, शिवसेना शहर प्रमुख अनिल सावंत, विनोद बाविस्कर, माजी जिल्हा परिषद सदस्य राजेंद्र पाटील, माजी पंचायत समिती सभापती रवींद्र पाटील, माजी उपसभापती अरुण तांबे, उपतालुकाप्रमुख ज्ञानेश्वर भाऊ, प्रेमचंद पाटील, युवा सेना जिल्हा संघटक प्रशांत पाटील, युवा सेना तालुकाप्रमुख निखिल भुसारे, शहर प्रमुख मनोज चौधरी, शहर प्रमुख हरीश देवरे, उपशहर प्रमुख खंडू सोनवणे, पप्पू जाधव, भारत पाटील, सर्जेराव पाटील, रतन परदेशी, आनंदा पाटील, पितांबर मिस्त्री, गोकुळसिंग गांगुर्डे, सांडू तडवी, अमोल महाजन, चंद्रकांत पाटील, गजू पाटील, भिकन तडवी, गुलाब पाटील, दिनकर गीते आदी महाविकास आघाडीचे कार्यकर्ते व पदाधिकारी उपस्थित होते.
