पाचोरा, 16 जानेवारी : पाचोरा येथील निर्मल इंटरनॅशनल स्कूलमध्ये “अभिरूप न्यायालय” हा उपक्रम राबविण्यात आला. निर्मल इंटरनॅशनल स्कूलच्या माध्यमातून नेहमीच विद्यार्थ्यांना कौशल्याधिष्ठीत शिक्षण देण्यासाठी प्रयत्न असतो. विद्यार्थ्यांच्या सुप्त गुणांना वाव मिळण्यासाठी त्यांच्यातील कौशल्ये विकसित करण्यासाठी स्कूलच्या माध्यमातून वेगवेगळे उपक्रम राबविले जातात. त्यातील एक महत्वाचा ‘अभिरूप न्यायालय’ हा महत्त्वाचा उपक्रम या स्कूलमध्ये राबविण्यात आला.
न्यायालयातील कामकाजाची पध्दत आणि कौशल्यपूर्ण संभाषण हे विद्यार्थ्यांना अवगत व्हावे, यासाठी इयत्ता 7 वीच्या विद्यार्थ्यांनी अभिरूप न्यायालयातील कामकाजात कृतियुक्त सहभाग घेतला. यावेळी विद्यार्थ्यांच्या कला गुणांचे कौतुक करण्यासाठी पाचोरा न्यायालयाचे दिवाणी मुख्य न्यायाधीश जी. बी. औंधकर प्रमुख अतिथी म्हणून उपस्थित होते. त्यांनी आपल्या मनोगतात विदयार्थ्यांनी साकारलेल्या प्रत्येक भूमिकेचे मनापासून कौतुक केले.
हेही वाचा – VIDEO : शिवसेना नेत्या वैशालीताई सूर्यवंशी यांनी बाळगोपाळांसोबत साजरा केली संक्रांत
तसेच याप्रसंगी संस्थेच्या अध्यक्षा वैशाली सुर्यवंशी, सचिव नरेंद्रसिंग सुर्यवंशी, प्राचार्य गणेश राजपूत, उपप्राचार्य प्रदिप सोनवणे, सी. बी. एस. ई. समन्वयक स्नेहल पाटील, पाचोरा वकील संघाचे अध्यक्ष अॅड. प्रविण पाटील, वकील संघाचे सचिव अॅड. राजेंद्र पाटील, अॅड. जे. डी. काटकर, अॅड. डी. आर. पाटील, अॅड. एस. पी. पाटील तसेच पाचोरा न्यायालयाचे सर्व विधिज्ञ आणि शाळेतील विद्यार्थ्यांचे पालक मोठया संख्येने उपस्थित होते.
या कार्यक्रमाच्या यशस्वीतेसाठी शाळेतील शिक्षक तसेच शिक्षकेतर कर्मचाऱ्यांनी अथक परिश्रम घेतेले. तसेच कार्यक्रमाचे प्रस्ताविक शाळेतील शिक्षिका शितल मोराणकर यांनी केले. तर उपस्थितांचे आभार उपप्राचार्य प्रदिप सोनवणे यांनी मानले.
