मुंबई, 27 ऑक्टोबर : राष्ट्रवादी काँग्रेस अजित पवार गटाने काही दिवसांपूर्वी 38 उमेदवारांच्या नावाचा समावेश असलेली पहिली उमेदवारी यादी जाहीर केली होती. यानंतर अजित पवार गटाकडून दुसरी उमेदवारी यादी जाहीर करण्यात आली होती. दरम्यान, या यादीत सात उमेदवारांची नावे जाहीर करण्यात आली होती. तर आज रविवारी अजित पवार यांच्या राष्ट्रवादीकडून तिसरी यादी जाहीर करण्यात आली असून यामध्ये चार उमेदवारांची नावे जाहीर करण्यात आली आहेत.
तिसऱ्या यादीत यांना मिळाली संधी –
- गेवराई – विजयसिंह पंडीत
- फलटण – सचिन पाटील
- निफाड – दिलीपकाका बनकर
- पारनेर – काशिनाथ दाते
राष्ट्रवादी काँग्रेस अजित दादा गटाचे आतापर्यंत एकूण 49 उमेदवारांची नावे जाहीर –
राष्ट्रवादी काँग्रेसचे प्रदेशाध्यक्ष सुनील तटकरे यांनी आज पत्रकारांसोबत संवाद साधत राष्ट्रवादी काँग्रेस अजित दादा गटाची तिसरी यादी जाहीर केली. यावेळी ते म्हणाले की, राष्ट्रवादी काँग्रेस पक्षाची आम्ही तिसरी यादी जाहीर करत असून यामध्ये गेवराईमधून विजयसिंह पंडीत, फलटण मतदार संघातून सचिन पाटील, निफाडमधून दिलीपकाका बनकर तर पारनेर मतदार संघातून काशिनाथ दाते यांना उमेदवारी दिली आहे. तसेच आमच्या पक्षाकडून आतापर्यंत एकूण 49 उमेदवारांची नावे जाहीर करण्यात आले असल्याचेही तटकरे यांनी सांगितले.
हेही वाचा : उपमुख्यमंत्री अजित पवार यांच्या हस्ते पक्षाच्या प्रचार एलईडी व्हॅनला हिरवा झेंडा
