बीड/पुणे : राज्यात विधानसभा निवडणुकीची रणधुमाळी सुरू आहे. उमेदवारांकडून उमेदवारी अर्ज दाखल केले जात आहेत. दरम्यान, राष्ट्रवादी काँग्रेसचे मंत्री धनंजय मुंडे यांच्यासह दिलीप वळसे 24 ऑक्टोबर रोजी यांनी उमेदवारी अर्ज दाखल केला.
मंत्री धनंजय मुंडे यांनी उमेदवारी अर्ज केला दाखल –
बीड जिल्ह्यातील परळी विधानसभा मतदारसंघातून महाराष्ट्र सार्वत्रिक विधानसभा निवडणूक-2024 साठी राष्ट्रवादी काँग्रेस पक्षाचे अधिकृत उमेदवार धनंजय मुंडे यांनी भाजप नेत्या पंकजाताई मुंडे, माजी खासदार प्रीतम मुंडे आणि मतदारसंघातील लाडक्या बहिणींच्या साक्षीने आपला उमेदवारी अर्ज दाखल केला.
मंत्री धनंजय मुंडे यांना राष्ट्रवादी काँग्रेसच्यावतीने पहिल्याच यादीत उमेदवारी देण्यात आली होती. 2019 साली परळीतून धनंजय मुंडे निवडून आले होते. त्यामुळे महायुतीत परळी विधानसभा मतदारसंघ अजित पवार गटाकडे आहे. आज उमेदवारी अर्ज दाखल करण्यापूर्वी पंकजा मुंडे यांनी धनंजय मुंडे यांचं औक्षण केले.
दिलीप वळसे पाटील यांनी सातव्यांदा केला उमेदवारी अर्ज दाखल –
पुणे जिल्ह्यातील आंबेगाव विधानसभा मतदारसंघातून राष्ट्रवादी काँग्रेसचे ज्येष्ठ नेते आणि सहकारमंत्री दिलीप वळसे पाटील यांनी उमेदवारी अर्ज दाखल केला. उमेदवारी अर्ज दाखल करण्यापूर्वी त्यांनी भव्य रॅली काढली. आंबेगावचे सात वेळा आमदार राहिलेले दिलीप वळसे पाटील हेही पक्षाचे स्टार प्रचारक आहेत.
दिलीप वळसे पाटील यांच्यासमवेत माजी खासदार शिवाजीराव आढळराव पाटील, शिरूरचे माजी आमदार पोपटराव गावडे, भाजपचे राष्ट्रवादी काँग्रेसचे मंत्री धनंजय मुंडे यांच्यासह दिलीप वळसे यांनी उमेदवारी अर्ज केला दाखलतालुकाप्रमुख संदीप बनखेले, त्यांच्या पत्नी किरणताई वळसे पाटील, कन्या पूर्वा वळसे पाटील यांच्यासह कार्यकर्ते मोठ्या संख्येने उपस्थित होते.
हेही वाचा : ‘बाबा मला रोज तुमची आठवण येते’ म्हणत झिशान सिद्दीकीची बाबा सिद्दीकींबद्दल शेअर केली भावूक पोस्ट
