पाचोरा (प्रतिनिधी) : आज सर्वत्र उत्साहात मकर संक्रातीचा सण उत्साहात साजरा केला जात आहे. पाचोरा शहरातही पाचोरा तालुका युवासेनेतर्फे बाळगोपाळांसह पंतग महोत्सव मोठ्या उत्साहात साजरा करण्यात आला. यावेळी पाचोरा तालुका शिवसेना नेत्या वैशालीताई सूर्यवंशी पतंग उडवताना बाळगोपाळांमध्ये रमलेल्या बघायला मिळाल्या.
सुरुवातीला सर्व बाळ गोपाळांना वैशाली ताई यांच्या हस्ते तिळगुळ, पतंग आणि मांजाचे वाटप करण्यात आले. यावेळी वैशालीताई यांनी पाचोरा पाचोरा भडगाव मतदार संघातील सर्व जनतेला संक्रांतीनिमित्त शुभेच्छा दिल्या. तसेच सर्व उपस्थित बाळगोपाळांना पतंग जशी वर आकाशात उंच भरारी घेऊन उडते, तसेच तुम्हीही खूप अभ्यास करून उंच भरारी घ्यावी, या शब्दात त्यांना प्रेरणा देत मार्गदर्शन केले. यासोबतच गच्चीवर पतंग उडवताना काळजी घेण्याचेही आवाहन वैशालीताई या बाळगोपाळांना केले.
हेही वाचा – ठाकरे गटाकडून पाचोरा आणि भडगाव तालुका कार्यकारिणी जाहीर; वाचा, कुणाला मिळाली संधी?
यावेळी युवा सेना उपजिल्हाधिकारी संदीप जैन, महिला आघाडीच्या मंदाकिनी पारोचे, जयश्री येवले, अनिता पाटील, जगदीश महाजन, फकिरचंद पाटील, मयूर मिस्तरी, प्रशांत सोनार, संतोष पाटील, नंदू पाटील आदी उपस्थित होते.
