यमुनानगर, (हरियाणा) : पंतप्रधान नरेंद्र मोदी हे काल हरियाणा राज्याच्या दौऱ्यावर होते. या दौऱ्यात डॉ. बाबासाहेब आंबेडकर यांच्या जयंतीनिमित्त यमुनानगरमध्ये पंतप्रधानांच्या हस्ते तसेच अनेक विकसाकांचे उद्घाटन आणि भूमिपूजन करण्यात आले. यावेळी उपस्थित असलेल्या एका सभेला त्यांनी संबोधित केले. दरम्यान, या दौऱ्यात पंतप्रधान मोदी यांनी एका खास व्यक्तीची भेट घेतली असून याबाबतचा व्हिडिओ त्यांनी त्यांच्या सोशल मीडिया अकाऊंटवर शेअर केलाय.
नरेंद्र मोदींच्या दौऱ्यात नेमकं काय घडलं? –
यमुनानगरमध्ये होत असलेल्या सभेसाठी पंतप्रधान नरेंद्र मोदी यांना रामपाल कश्यप नावाचे भाजप कार्यकर्ते भेटले. जोपर्यंत नरेंद्र मोदी देशाचे पंतप्रधान होत नाहीत आणि जोपर्यंत माझी त्यांच्याशी भेट होत नाही, तोपर्यंत मी पायात चप्पल घालणार नाही, अशी शपथ कश्यप यांनी घेतली होती. यामुळे तसेच स्वत:च्या हातांनी कश्यप यांना घालण्यासाठी बूट दिले. यावेळी पंतप्रधान मोदी कश्यप यांच्याशी संवाद साधताना दिसातएत.
तसेच मोदी यांनी मोठ्या मनाने कश्यप यांना बूट घालण्यासाठी मदतही केल्याचे व्हिडिओतून दिसून येते. तुम्ही असा प्रण का केला होता? अशी विचारपूस करत भविष्यात अशा प्रकारची शपथ घेऊ नका. चांगले काम करा, असा संदेशही मोदी यांनी कश्यप यांना दिला. दरम्यान, मोदींनी कश्यप यांना त्यांच्या भावी जीवनासाठी शुभेच्छाही दिल्याचे पाहायला मिळाले. तसेच या व्हिडीओत कश्यप मोदींचे आभार मानताना दिसत आहेत.
रामपाल कश्यप यांचा 14 वर्षांचा पर्ण पुर्ण! –
भाजप कार्यकर्ते रामपाल कश्यप यांनी गेल्या 14 वर्षांपासून अर्थात 2011 साली एक अनोखी शपथ घेतली होती. जोपर्यंत नरेंद्र मोदी देशाचे पंतप्रधान होत नाहीत आणि जोपर्यंत माझी त्यांच्याशी भेट होत नाही, तोपर्यंत मी पायात चप्पल घालणार नाही, अशी शपथ कश्यप यांनी घेतली होती. दरम्यान, कालच्या पंतप्रधानांच्या दौऱ्यात त्यांची मोदींसोबत भेट झाल्यानंतर त्यांचा 14 वर्षांचा पर्ण पुर्ण झाला.
नरेंद्र मोदींनी काय म्हटलंय? –
सोशल मीडिया अकाऊंटवर व्हिडिओ शेअर करत मोदींनी म्हटलंय की, हरियाणातील यमुनानगरमध्ये आज कैथलचे रामपाल कश्यप यांना भेटण्याचे सौभाग्य मला प्राप्त झाले. त्यांनी 14 वर्षांपूर्वी एक शपथ घेतली होती की, मोदी जोपर्यंत पंतप्रधान होणार नाहीत, तसेच मी जोपर्यंत त्यांना भेटणार नाही, तोपर्यंत पायात बूट घालणार नाही, असा प्रण त्यांनी केला होता.
दरम्यान, आज मी त्यांची भेट घेतली, मी माझ्या अशा सर्वच सहकाऱ्यांचा आदर करतो. मात्र, मी विनंती करतो की अशा प्रकारची शपथ घेण्याऐवजी समाजसेवा करावी. देशहिताचे कार्य करण्याची शपथ घ्यावी,’ असे आवाहन पंतप्रधान मोदी यांनी केले.
