पुणे, 30 नोव्हेंबर : ‘निवडणुकांमध्ये सत्तेचा गैरवापर आणि पैशाचा महापूर या गोष्टी यापूर्वी कधीही बघितल्या नव्हत्या, अशी प्रतिक्रिया राष्ट्रवादी काँग्रेस शरदचंद्र पवार पक्षाचे प्रमुख शरद पवार यांनी व्यक्त केली आहे. निवडणुकीच्या माध्यमातून लोकशाही मूल्य उद्ध्वस्त होत असल्याची टीका करत डॉ. बाबा आढाव यांनी कालपासून पुण्यात आत्मक्लेश आंदोलन सुरू केले आहे. या आंदोलनस्थळी आज शरद पवार यांनी भेट दिली. त्यावेळी ते बोलत होते.
शरद पवार काय म्हणाले? –
बाबा आढाव यांच्या आत्मक्लेश आंदोलनस्थळी भेट दिल्यानंतर शरद पवार यांनी माध्यमांसोबत संवाद साधला. यावेळी शरद पवार म्हणाले की, लोकांची चर्चा होती. कालच्या ज्या निवडणुका झाल्या, त्या निवडणुकांमध्ये सत्तेचा गैरवापर आणि पैशाचा महापौर या गोष्टी आतपर्यंत यापूर्वी कधीही बघितल्या नव्हत्या. संपूर्ण राज्याच्या आणि देशाच्या निवडणुकीमध्ये मोठ्या प्रमाणावर पैसा आणि सत्तेचा गैरवापर करून संपूर्ण यंत्रणाच हातात घेतली हे चित्र यापूर्वी दिसलेलं नव्हतं, पण हे आता महाराष्ट्रात बघायला मिळाले.
बाबा आढाव यांच्या आंदोलनावर पवार काय म्हणाले? –
आज कुणीतरी अशा रीतीने पाऊल प्रभावी पाऊल टाकण्याच्या आवश्यकता आहे. हा लोकांच्यातील चर्चेचा सूर असून त्याच्यात माहिती कळली बाबा आढाव यांनी पुढाकार घेतला आहे आणि ते स्वतः महात्मा फुले यांच्याशी संबंधित वास्तूमध्ये ते बसलेले आहेत. एक प्रकारचा दिलासा बाबांच्या या उपोषणाने सामान्य लोकांच्या येत आहे, असे मला स्पष्ट दिसत असल्याची प्रतिक्रिया शरद पवार यांनी बाबा आढाव यांच्या आंदोलनबाबत व्यक्त केली आहे.
दरम्यान, बाबा आढाव यांनी आज राष्ट्रीय कर्तव्य आणि देशाची आवश्यकता म्हणून ही भूमिका घेतली. परंतु, त्यांनी एकट्यानेच ही भूमिका घेणे हे काय सोयीचा नाही. त्यांनी एकप्रकारे जनतेचा उठाव या माध्यमातून केला असल्याचेही पवार म्हणाले.
बाबा आढाव यांचे पुण्यात आत्मक्लेश आंदोलन –
निवडणुकीच्या माध्यमातून लोकशाही मूल्य उद्ध्वस्त होत असल्याची टीका करत ज्येष्ठ कामगार नेते डॉ. बाबा आढाव यांनी वयाच्या 95 व्या वर्षी पुण्यात महात्मा फुले यांच्या पुण्यतिथीचे औचित्य साधून 28 नोव्हेंबरपासून आत्मक्लेश सुरू केले आहे. महात्मा फुले वाडा येथे बाबा आढाव यांचे तीन दिवसापासून आत्मक्लेश उपोषण सुरू असताना आज शरद पवार यांनी याठिकाणी भेट दिली.
हेही वाचा : “एकनाथ शिंदे ज्यावेळी दरे गावी जातात तेव्हा….”, शिवसेनेतील मोठ्या नेत्याचे सूचक वक्तव्य –
