भडगाव, 13 जानेवारी : भडगांव येथे शिवसेनेच्या वतीने राष्ट्रमाता राजमाता माँसाहेब जिजाऊ आणि युवांचे प्रेरणास्रोत स्वामी विवेकानंद यांची जयंती साजरा करण्यात आली. यावेळी शिवसेना पक्ष उद्धव ठाकरे गटाच्या नेत्या वैशालीताई सूर्यवंशी यांच्या हस्ते प्रतिमा पूजन करण्यात आले. तर पाचोरा-भडगांव विधानसभा संपर्कप्रमुख सुनिल पाटील साहेब यांच्या हस्ते माल्यार्पण करण्यात आले.
तसेच यानंतर भडगाव तालुक्याच्या शिवसेना पक्ष ठाकरे गटाच्या नवनिर्वाचित पदाधिकारी व कार्यकारणीची बैठक संपन्न झाली. यावेळी पदाधिकाऱ्यांशी संवाद साधताना वैशालीताई सूर्यवंशी यांनी आगामी निवडणुका लढविण्यासाठी संघटनेची कशी बांधणी करावी, याबाबत मार्गदर्शन केले.
हेही वाचा – ठाकरे गटाकडून पाचोरा आणि भडगाव तालुका कार्यकारिणी जाहीर; वाचा, कुणाला मिळाली संधी?
व्यापाऱ्यांचे वैशालीताईंना समर्थन –
सध्या शिवसेनेत ठाकरे गट आणि शिंदे गट असे दोन गट झाले आहेत. त्यामुळे काही जण हे शिंदे गटाला समर्थन देत आहेत. तर काही जण हे ठाकरे गटाला समर्थन देत आहेत. दरम्यान, भडगाव येथे झालेल्या या कार्यक्रमाला बाळद रोड भडगांवचे व्यापारी भाऊसाहेब पाटील, नंदू चौधरी यांच्यासह आदी व्यापारी बांधवांनी ताईंच्या पाठीशी खंबीरपणे उभा राहण्याची ग्वाही देऊन जाहीर समर्थन दिले.
अशी आहे भडगाव तालुका शिवसेना पक्ष ठाकरे गट कार्यकारिणी –
उपजिल्हाप्रमुख – दीपक पाटील
तालुकाप्रमुख – अनिल पाटील
विधानसभा क्षेत्रप्रमुख – जे. के. पाटील
उपजिल्हा संघटक – शाम पाटील सर आणि रतन परदेशी
उपजिल्हा समन्वयक – गोरख पाटील
तालुका संघटक – राजेंद्र पाटील
भडगाव शहरप्रमुख – शंकर मारवाडी
भडगाव शहरसंघटक – अनिल महाजन आणि निलेश पवार
