छत्रपती संभाजीनगर, 11 फेब्रुवारी : समृद्धी महामार्गावर अपघात झाल्याची घटना ताजी असतानाच छत्रपती संभाजीनगर जिल्ह्याच्या दौलताबाद जिल्ह्याजवळ समृद्धी महामार्गावर भीषण अपघात झाल्याची घटना समोर आली. समृद्धी महामार्गावर सलग दुसऱ्या दिवशी झालेल्या या अपघातात तिघांचा जागीच मृत्यू झाला आहे.
काय आहे संपूर्ण बातमी? –
संभाजीनगर जिल्ह्यातील दौलताबादजवळ समृद्धी महामार्गावर काल रात्री 11 वाजेच्या सुमारास भीषण अपघाता झाला. दरम्यान, या अपघातात तिघांचा जागीच मृत्यू झाल्याची माहिती समोर आली आहे. या अपघातात कारने अवजड वाहनाला पाठीमागून धडक दिली. राहुल आनंद निकम (वय 47 वर्ष, द्वारकानगर हडको), शिवाजी वामनराव थोरात (वय 58 वर्ष, द्वारकानगर) व अण्णा रामराव मालोदे (71 वर्ष, नवनजीवन कॉलनी, हडको एन-11) अशी मृत झालेल्यांची नावे असून सर्व छत्रपती संभाजीनगरचे रहिवासी आहेत.
तिघांचा जागीच मृत्यू –
समृद्धी महामार्गावर सलग दुसऱ्या दिवशी रात्री (शनिवारी) भीषण अपघातात तिघांचा मृत्यू झाला. छत्रपती संभाजीनगर येथील प्रवासी कारने (एमएच 20 ईई 745) नाशिककडे जात होते. रात्री 11 वाजेच्या सुमारास दौलताबादजवळील माळीवाडा इंटरचेंजजवळ त्यांच्या कारने अवजड वाहनाला पाठीमागून धडक दिली. दरम्यान, या अपघातात कारमधील तिघांचा मृत्यू झाला आहे. विशेष म्हणजे काल रात्रीच (शुक्रवारी) देखील वैजापूरजवळ समृद्धी महामार्गावर अपघात झाला होता आणि त्या अपघातात देखील तिघांचा मृत्यू झाला होता.
हेही वाचा : “उद्धवजींच्या डोक्यावर परिणाम झाला आहे…”, देवेंद्र फडणवीसांचे ठाकरेंना प्रत्युत्तर, काय म्हणाले?
