पालघर, 31 ऑगस्ट : सिंधुदुर्गमधील मालवण येथील राजकोट किल्ल्याबाहेरील छत्रपती शिवाजी महाराजांचा पुतळा कोसळला. याप्रकरणी पंतप्रधान नरेंद्र मोदी यांनी जाहीर माफी मागितली. छत्रपती शिवाजी महाराज हे फक्त नाव तसेच राजा-महाराजा, राजपुरूष नसून आमच्यासाठी छत्रपती शिवाजी महाराज आराध्य दैवत आहेत. आणि म्हणून मी आज नम्रतेने माझे आराध्य दैवत छत्रपती शिवाजी महाराज यांच्या पायावर डोकं ठेवून माफी मागतो, असे पंतप्रधान नरेंद्र मोदी म्हणाले. पंतप्रधान मोदींच्या हस्ते काल पालघरमधील वाढवण बंदराच्या भूमिपूजनाचा सोहळा पार पडला. त्यावेळी ते बोलत होते.
हेही वाचा: महिला अत्याचाराच्या वाढत्या घटना, जळगावात पंतप्रधान नरेंद्र मोदींनी दिला कठोर इशारा, म्हणाले..
