जळगाव : जळगाव जिल्ह्यात गेल्या काही दिवसात चोरीच्या, आर्थिक फसवणुकीच्या घटना सातत्याने समोर येत आहेत. यातच आता आणखी एक धक्कादायक घटना समोर आली आहे. खासगी नोकरी करणाऱ्या एका व्यक्तीची तब्बल 11 लाख 50 रुपयांमध्ये फसवणूक झाली. याप्रकरणी दोन जणांविरोधात रामानंद पोलीस ठाण्यात गुन्हा दाखल करण्यात आला आहे.
काय आहे संपूर्ण घटना –
जळगाव शहरातील रामानंदनगर पोलीस स्टेशनच्या हद्दीत खासगी नोकरी करणाऱ्या एका व्यक्तीची तब्बल 11 लाख 50 रुपयांमध्ये फसवणूक झाल्याचा प्रकार उघडकीस आला. ज्या व्यक्तीला गाडी विक्री केली, तो व्यक्ती गाडीचे हप्ते न भरता गायब झाला, अशी तक्रार रामानंदनगर पोलीस ठाण्यात करण्यात आली आहे. या तक्रारीवरुन 2 जणांविरुद्ध गुन्हा दाखल करण्यात आला आहे.
निशांत विजय पटाईत (वय 35, रा. देवराम नगर) हे खासगी नोकरी करतात. यांच्याकडे असलेला एक ट्रक ऑक्टोबर महिन्यात भगवान उर्फ वाल्मीक भिवसन चौधरी (रा. धुळे) व दगडू बंडू पाटील (रा. धुळे) यांना विक्री करण्याचे ठरले. मात्र, कोणतीही नोटरी न करता, फिर्यादीचा विश्वास संपादन करून गाडीवरील लोनचे पैसे न भरता ट्रक स्वतःच्या ताब्यात घेऊन घेतला. तसेच ठरलेली 11 लाख 50 हजार रुपयांचीही रक्कम देत नाहीये, त्यामुळे गाडीवरील बँकेचे हप्तेदेखील भरलेले नाहीत.
संबंधिताकडे अनेक वेळ चक्कर मारूनही गाडी आणि रक्कम दिल जात नसल्याने, अखेर निशांत पटाईत यांच्या फिर्यादीवरून रामानंदनगर पोलिस ठाण्यात वाल्मीक चौधरी आणि दगडू पाटील यांच्यावर फसवणुकीच गुन्हा दाखल करण्यात आला आहे. याप्रकरणी पुढील तपास प्रदीप बोरुडे हे करत आहेत.
VIDEO – आठवड्यात 6 जणांचा मृत्यू, जळगाव जिल्ह्यातील अपघात कधी थांबणार?, जिल्हाधिकारी Ayush Prasad Exclusive
