पाचोरा, 12 मार्च : राज्याच्या अर्थसंकल्पातुन राज्य सरकारने जनतेला गाजर दाखवला, असे म्हणत पाचोऱ्यात काँग्रेस पक्षाच्या वतीने गाजर वाटून अनोखे आंदोलन केले. नागरिकांना गाजर वाटून या अर्थसंकल्पाचा निषेध पाचोरा काँग्रेसच्यावतीने करण्यात आला. राज्य सरकारने सादर केलेल्या अर्थसंकल्पातून सर्वसामान्य जनतेला आणि शेतकऱ्यांना केवळ गाजर दाखवले आहे, अशी टीका पाचोरा काँग्रेसचे तालुका अध्यक्ष सचिन सोमवंशी यांनी केली. यावेळी सर्वसामान्य नागरिकांसह लघु व्यावसायिकांना गाजर वाटून आंदोलकांनी राज्य सरकारचे लक्ष वेधले.
शेतकरी, महिला, लघुउद्योग यांच्यासाठी अर्थसंकल्पात कोणतीही ठोस घोषणा राज्य सरकारने केली नाही. त्यामुळे अर्थसंकल्पातून जनतेला केवळ गाजर दाखवले आहे, अशी टीका यावेळी पाचोरा तालुका काँग्रेस अध्यक्ष सचिन सोमवंशी यांनी केली. तसेच शिंदे-फडणवीस सरकारने सद्यस्थितीत कापूस महत्त्वपूर्ण विषय असतानाही अर्थसंकल्पात तरतूद केली. नाही. तसेच शेतकरी, व्यापारी, सर्वसामान्य जनतेला दिलासा मिळेल, असा कोणताही ठोस निर्णय घेतला नाही. सामान्य माणसाला गाजर देण्यात आले आहे, अशी टीका यावेळी करण्यात आली.
यावेळी पाचोरा तालुका काँग्रेस अध्यक्ष सचिन सोमवंशी, शहर अध्यक्ष अॅड. अमजद पठाण, सरचिटणीस प्रताप पाटील, ओबीसी तालुका अध्यक्ष इरफान मनियार, शहर अध्यक्ष शरीफ शेख, सोशल मीडिया विधानसभा अध्यक्ष राहुल शिंदे, तालुका अध्यक्ष कल्पेश येवले, एससी सेल तालुका अध्यक्ष श्रावण गायकवाड, शहर उपाध्यक्ष अमजद मौलाना, शंकर सोनवणे, परवेज रसुल खान, रहीम शेख, शाहरुख खान, अमर खान, जुनेद खान, इम्रान देशमुख, जुनेद बागवान, सुनील पाटील, विजय गुजर, राजु गायकवाड, विनोद सुरवाडे आदी उपस्थित होते.
दरम्यान, या आंदोलनाची चर्चा शहरात सुरू आहे. आंदोलनात शहरातील शेतकरी आणि सामान्य नागरिक गाजर घेऊन सरकारवर संतप्त प्रतिक्रिया व्यक्त करीत होते.
