मुंबई, 24 मे : भारतीय पुरूष क्रिकेट संघाच्या इंग्लंड दौऱ्याला 20 जूनपासून सुरुवात होणार आहे. या इंग्लंड दौऱ्यासाठी भारतीय संघाची निवड जाहीर करण्यात आली आहे. यासोबतच कसोटी क्रिकेटसाठी टीम इंडियाचे नेतृत्व शुभमन गिलच्या हाती सोपविण्यात आले आहे. गिल आता टीम इंडियाचा कसोटी संघाचा नवा कर्णधार असणार आहे.
टीम इंडियाच्या टेस्ट क्रिकेट टीमचा कॅप्टन ठरला –
इंग्लंड दौऱ्याच्या काही दिवस आधीच भारताचा कसोटी कर्णधार रोहित शर्मा आणि विराट कोहली यांनी कसोटीमधून निवृत्ती जाहीर केली. यानंतर बीसीसीआयसह टीम इंडियाला मोठा धक्का बसला. दरम्यान, रोहित आणि कोहलीच्या निवृत्तीनंतर भारताच्या कसोटी संघाचा कर्णधाराची जबाबदारी कोणाच्या हाती सोपविण्यात येते याबाबत उत्सुकता लागली होती. दरम्यान, आज मुंबईतील मुख्यालयात इंग्लंड दौऱ्यासाठी तसेच कसोटी संघाच्या कर्णधार निवडीसाठी निवड समितेचे अध्यक्ष अजित अगर यांच्या अध्यक्षतेखाली बैठक पार पडली.
भारतीय क्रिकेटच्या नवा पर्वाची सुरूवात –
मुंबईतील निवड समितीच्या बैठकीत इंग्लंड दौऱ्यासाठी संघ जाहीर करण्यात आला आहे. यासोबतच भारताचा स्टार फलंदाज शुभमन गिल याच्या हाती कसोटीच्या कर्णधार पदाची जबाबदारी सोपविण्यात आली आहे. नव्या दमाच्य नव्या खेळाडूंच्या संघाची जबाबदारी शुभमन गिलच्या हाती दिल्याने भारतीय क्रिकेटच्या नवा पर्वाची सुरूवात झाल्याचे बोलले जात आहे.
इंग्लंड दौऱ्यासाठी भारतीय संघ जाहीर –
शुबमन गिल (कर्णधार), ऋषभ पंत (उपकर्णधार आणि विकेटकीपर), यशस्वी जयस्वाल, केएल राहुल, साई सुदर्शन, अभिमन्यू इश्वरन, करुण नायर, नितीश कुमार रेड्डी, रवींद्र जडेजा, ध्रुव जुरेल (विकेटकीपर), वॉशिंग्टन सुंदर, शार्दुल ठाकूर, जसप्रीत बुमराह, मोहम्मद सिराज, प्रसिद्ध कृष्णा, आकाश दीप, अर्शदीप सिंह आणि कुलदीप यादव आदी खेळाडूंचा इंग्लंड दौऱ्यासाठी भारतीय संघात समावेश करण्यात आला आहे.
इंग्लंड-भारत कसोटी मालिकेचे वेळापत्रक –
- पहिला सामना, 20 ते 24 जून, हेडिंग्ले, लीड्स
- दुसरा सामना, 2 ते 6 जुलै, एजबस्टन, बर्मिंगघम
- तिसरा सामना, 10 ते 14 जुलै, लॉर्ड्स, लंडन
- चौथा सामना, 23 ते 27 जुलै, एमिरट्स ओल्ड ट्रॅफर्ड, मँचेस्टर
- पाचवा सामना, 31 जुलै ते 4 ऑगस्ट, केनिंग्टन ओव्हल, लंडन
