ईसा तडवी, प्रतिनिधी
सातगाव डोंगरी (पाचोरा), 19 ऑक्टोबर: शैक्षणिक व सामाजिक क्षेत्रातील उल्लेखनीय कार्य, समर्पित वृत्ती आणि समाजाप्रती असलेली बांधिलकी यांची दखल घेत ॲस्पायर फाउंडेशनतर्फे (Aspire Foundation) दगडू सुपडू तडवी यांना प्रतिष्ठेचा ‘राज्यस्तरीय आदर्श शिक्षक पुरस्कार २०२६’ प्रदान करून सन्मानित करण्यात आले. या पुरस्कारामुळे त्यांच्या शैक्षणिक व सामाजिक कार्याचा गौरव झाला आहे.
एका विशेष सोहळ्यात दगडू सुपडू तडवी यांना सन्मानचिन्ह व सन्मानपत्र देऊन गौरविण्यात आले. शिक्षण क्षेत्रात उल्लेखनीय योगदान देणाऱ्या तसेच समाजोपयोगी कार्यातून सकारात्मक बदल घडवून आणणाऱ्या गुणवंत शिक्षकांचा सन्मान करण्याचा उपक्रम ॲस्पायर फाउंडेशनतर्फे राबविण्यात येतो.
शैक्षणिक व सामाजिक कार्याची दखल –
दगडू सुपडू तडवी यांनी गेल्या काही वर्षांपासून शैक्षणिक क्षेत्रात नावीन्यपूर्ण उपक्रम राबविण्यासोबतच विद्यार्थ्यांच्या सर्वांगीण विकासासाठी सातत्याने प्रयत्न केले आहेत. विद्यार्थ्यांमध्ये शैक्षणिक गुणवत्ता, सर्जनशीलता आणि सामाजिक जाणीव विकसित व्हावी, यासाठी त्यांनी विशेष योगदान दिले आहे. शिक्षणासोबतच सामाजिक बांधिलकी जपत केलेल्या त्यांच्या कार्याची दखल घेत त्यांना या पुरस्काराने सन्मानित करण्यात आले.
सर्व स्तरांतून अभिनंदनाचा वर्षाव –
दगडू सुपडू तडवी यांना ‘राज्यस्तरीय आदर्श शिक्षक पुरस्कार २०२६’ प्राप्त झाल्याबद्दल शिक्षण क्षेत्रातील मान्यवर, सहकारी शिक्षक, शाळा व्यवस्थापन समितीचे पदाधिकारी, ग्रामस्थ आणि विद्यार्थ्यांकडून त्यांच्यावर अभिनंदनाचा वर्षाव होत आहे. त्यांच्या या यशामुळे सातगाव डोंगरी परिसराच्या शैक्षणिक क्षेत्रात आनंदाचे वातावरण निर्माण झाले आहे.
पुरस्कारामुळे कार्य करण्याची नवी प्रेरणा –
पुरस्कार स्वीकारल्यानंतर प्रतिक्रिया व्यक्त करताना दगडू सुपडू तडवी म्हणाले, “हा पुरस्कार माझ्या शैक्षणिक व सामाजिक प्रवासाला मिळालेली एक महत्त्वपूर्ण पावती आहे. या सन्मानामुळे भविष्यात अधिक उत्साहाने आणि जोमाने कार्य करण्याची प्रेरणा मिळाली आहे. विद्यार्थ्यांच्या उज्ज्वल भविष्यासाठी तसेच समाजाच्या प्रगतीसाठी यापुढेही प्रामाणिकपणे कार्यरत राहीन.”
