लासगाव, 30 जानेवारी : पाचोरा तालुक्यातील लासगाव ग्रामपंचायतीचे ग्रामपंचायत अधिकारी (ग्रामसेवक) अनिल माधवराव पगारे (वय 58) यांचे आज 30 जानेवारी रोजी पहाटे 5 वाजेच्या सुमारास ह्रदयविकाराच्या झटक्याने निधन झाले.
लासगाव ग्रामपंचायतीमध्ये गेल्या पाच वर्षांपासून अनिल पगारे हे ग्रामपंचायत अधिकारी म्हणून कार्यरत होते. दरम्यान, काल त्यांची प्रकृती काहीशी अस्वस्थ असल्याची माहिती समोर आली होती. त्यानंतर, आज पहाटे पाच वाजेच्या सुमारास त्यांचे हृदयविकाराच्या झटक्याने दुर्दैवी निधन झाले. त्यांच्या पार्थिवावर आज सायंकाळी पाच वाजता चाळीसगाव येथे अंत्यसंस्कार करण्यात येणार आहे.
अनिल पगारे हे मूळचे चाळीसगाव तालुक्यातील खडकी येथील रहिवासी होते. सध्या ते चाळीसगाव शहरात वास्तव्यास असून लासगाव ग्रामपंचायतीचे अधिकारी म्हणून कार्यरत असताना चाळीसगाव येथून दररोज ये-जा करत होते. त्यांच्या अकाली निधनाने ग्रामपंचायत कर्मचाऱ्यांमध्ये तसेच संपूर्ण परिसरात हळहळ व्यक्त होत आहे. पगारेंच्या निधनाबद्दल लासगाव ग्रामस्थांच्या वतीने शोक व्यक्त करण्यात आला आहे.
हेही वाचा : Ajit Dada Pawar : अखेर ‘महाराष्ट्राचा दादा’ अनंतात विलीन; अजित पवारांच्या निधनाने संपूर्ण महाराष्ट्र शोकाकुल
