खडकी बु. (चाळीसगाव), 29 ऑक्टोबर : चाळीसगाव तालुक्यातील खडकी बु. येथे काल ( 29 ऑक्टोबर) महिला व बाल भवनात जादूटोणाविरोधी कायद्याच्या ‘राज्यव्यापी जनसंवाद यात्रे’चे स्वागत करण्यात आले. याप्रसंगी महाराष्ट्र अंधश्रद्धा निर्मूलन समितीच्या राज्य कार्यकारिणी सदस्य तसेच यात्रेच्या समन्वयक नंदिनी जाधव यांनी साध्या सोप्या भाषेत कायदा व त्यातील कलम याविषयी विस्तृत मांडणी करत प्रबोधन केले.
जनजागृती कार्यक्रमाच्या सुरूवातीला भगवान रणदिवे सातारा यांनी चमत्कार सादरीकरण करून त्यात वैज्ञानिक प्रयोग व हातचलाखी करून बुवा बाबा कशा प्रकारे गंडावतात यासंदर्भात प्रबोधन केले. ‘जादूटोणा विरोधी कायदा राज्यव्यापी जनसंवाद यात्रा’ वाहनाचे स्वागत पोलीस पाटील विनायकबापू मांडोळे यानी केले. प्रास्ताविक नीता सामंत यांनी केले. सुत्रसंचालन प्रल्हाद सावंत यांनी केले. तर आभार प्रदर्शन गणेश पवार यांनी मानले, अध्यक्षस्थान संरपच सचिन पवार हे होते.
राज्यव्यापी जनसंवाद यात्रा –
‘महाराष्ट्र नरबळी आणि इतर अमानुष, अनिष्ट व अघोरी प्रथा व प्रथा व जादूटोणा व उच्चाटन अध्यादेश २०१३’ कायद्याला १० वर्षे पुर्ण झाली आहेत. यानिमित्त या कायद्याविषयी जनजागृतीसाठी महाराष्ट्र अंधश्रद्धा निर्मूलन समितीच्यावतीने ‘जादूटोणा विरोधी कायदा राज्यव्यापी जनसंवाद यात्रा’ अंनिसद्वारे जनजागृती करण्यात येत आहे. ही राज्यव्यापी जनसंवाद यात्रा महाराष्ट्रातील संपूर्ण जिल्ह्यात प्रचार व प्रसार करण्यात येत आहे.
याप्रसंगी वैशाली निकम, प्रा.गोतम निकम, प्रा.विजया चव्हाण, दिलीप चव्हाण (उद्योजक), धनंजय सुकदेव मांडोळे, गोकुळ जनार्दन कोल्हे, अलकनंदा भवर, गुलाबदादा खाटीक, गणेश सावंत- मराठे, विलास आधार चव्हाण,सचिन मांडोळे, ॲड. कोमल सचिन मांडोळे, नंदू पवार, आनंद बागुल, वाल्मिक जाधव, योगेश पठाडे, विजय मोरे, नितिन जाधव, दयाराम निकम, विकास जगताप, अशोक एरंडे, ऋषी वायकर, कैलास पाटील, कैलास चव्हाण गावातली ग्रामस्थ, तरुण मंडळी तसेच शाखा खडकी बु.सर्व सदस्य उपस्थित होते.
