इंद्रनील पाटील, प्रतिनिधी
नगरदेवळा (पाचोरा), 18 ऑक्टोबर : जळगाव जिल्ह्यातील पाचोरा तालुक्यातील नगरदेवळा येथून मोठी बातमी समोर आली आहे. नगरदेवळा येथील चुंचाळे शिवारात अंगावर वीज कोसळल्याने शेतकऱ्याचा मृत्यू झाला आहे. पांडुरंग त्र्यंबक महाजन (वय 65) असे मयत शेतकरी यांचे नाव आहे. पांडुरंग महाजन हे निवृत्त शिक्षक होते. दरम्यान, आज ते नेहमीप्रमाणे आपल्या शेतात गेले असताना सायंकाळी साडेसहा वाजेच्या सुमारास ही दुर्दैवी घटना घडली.
काय आहे संपुर्ण बातमी? –
मिळालेल्या माहितीनुसार, पाचोरा तालुक्यातील नगरदेवळा परिसरात विजेच्या गडगडाटासह मुसळधार पावसाने हजेरी लावली. पांडुरंग महाजन हे त्यांच्या नगरदेवळा शिवारातील शेतीत असताना त्यांच्या अंगावर वीज कोसळली. दरम्यान, त्यांचा जागीच मृत्यू झालाय. पोलिसांनी पंचनामा केला आहे. याबाबतची स्थानिकांनी दिली आहे.
बैल व वासरू जागीच ठार –
तसेच प्रकाश चिंधा महाजन यांच्या शेतातील 1 बैल 2 वासरे वीज कोसळल्याने जागीच ठार झाले आहेत. नगरदेवळा परिसरात चुंचाळे शिवारात आज सायंकाळी ही घडना घडली. दरम्यान, नगरदेवळा परिसरात वादळी वाऱ्यासह जोरदार पावसाने हजेरी लावल्यामुळे परिसरात विजेचा प्रवाह खंडीत झाला आहे.
हेही वाचा : Breaking : स्विफ्ट कारच्या अपघातात दोन जण ठार; दोन जण गंभीर जखमी, पारोळा तालुक्यातील घटना
