अयोध्येतील राम मंदिराचे मुख्य पुजारी महंत सत्येंद्र दास यांचे निधन; मुख्यमंत्री योगी आदित्यनाथांनी वाहिली श्रद्धांजली

लखनऊ, 12 फेब्रुवारी : अयोध्येतील राम मंदिरातील मुख्य पुजारी आचार्य महंत सत्येंद्र दास यांचे आज बुधवारी संजय गांधी पोस्ट ग्रॅज्युएट इन्स्टिट्युट ऑफ मेडिकल सायन्स रुग्णालयात 85 व्या वर्षी निधन झाले. cगेल्या काही काळापासून मधुमेह आणि उच्च रक्तदाबाचा सामना करत होते, अशी माहिती समोर आली आहे.

योगी आदित्यनाथांनी काल घेतली होती भेट –
सत्येंद्र दास यांना स्ट्रोकचा झटका आल्यामुळे 3 फेब्रुवारी रोजी खासगी रुग्णालयात दाखल करण्यात आले होते. मात्र, नंतर त्यांना लखनऊच्या एसजीपीजीआय रुग्णालयात आणण्यात आले. दरम्यान, उत्तर प्रदेशचे मुख्यमंत्री योगी आदित्यनाथ यांनी काल मंगळवारी 11 फेब्रुवारी रोजी लखनऊमधील रुग्णालयात येऊन त्यांच्या प्रकृतीबद्दल माहिती घेतली होती. दरम्यान, संजय गांधी पोस्ट ग्रॅज्युएट इन्स्टिट्युट ऑफ मेडिकल सायन्स रुग्णालयात वयाच्या 85 व्या वर्षी अखेरचा श्वास घेतलाय.

वयाच्या 20 वर्षी अध्यात्मिक प्रवासाला सुरूवात –
6 डिसेंबर 1992 रोजी बाबरी मशिदीचा ढाचा कोसळण्याच्या आधीपासून आचार्य सत्येंद्र दास राम मंदिरात पुजारी म्हणून काम करत होते. नऊ महिन्यांपूर्वी जेव्हा राम मंदिराचे बांधकाम पूर्ण झालं, त्यावेळी त्यांनी पुन्हा एकदा पदाचा ताबा घेतला होता. तसेच निर्वाणी आखाड्याचे सदस्य असलेल्या सत्येंद्र दास यांनी वयाच्या 20 वर्षी आध्यात्मिक प्रवासाची सुरुवात केली होती.

योग्य आदित्यनाथ यांनी वाहिली श्रद्धांजली –
दरम्यान, योगी आदित्यनाथ यांनी सत्येन्द्र कुमार दास यांच्या निधनाबाबत शोक व्यक्त केलाय. ते म्हणाले की, भगवान रामाचे महान भक्त आणि श्री रामजन्मभूमी मंदिर, श्री अयोध्या धामचे मुख्य पुजारी आचार्य श्री सत्येंद्र कुमार दास जी महाराज यांचे निधन अत्यंत दुःखद आणि आध्यात्मिक जगताचे कधीही भरून न येणारे नुकसान आहे. विनम्र श्रद्धांजली!

आम्ही भगवान श्री रामांना प्रार्थना करतो की, त्यांनी दिवंगत आत्म्याला त्यांच्या चरणी स्थान द्यावे आणि त्यांच्या शोकाकुल शिष्यांना आणि अनुयायांना हे मोठे नुकसान सहन करण्याची शक्ती द्यावी.
ओम शांती!