जळगाव, 13 ऑगस्ट : महिला सशक्तीकरण अभियाना अंतर्गत ‘मुख्यमंत्री -माझी लाडकी बहिण योजना’ कार्यक्रमासाठी राज्याचे मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस हे आज जळगावात येत आहेत. जळगाव शहरातील सागर पार्क मैदानावर भव्य कार्यक्रमाचे आयोजन करण्यात आले आहे.
मुख्यमंत्री-उपमुख्यमंत्री यांचा असा आहे दौरा –
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचे आज दुपारी 2.30 वाजता जळगाव विमानतळावर आगमन होणार आहे. तसेच दुपारी 3 वाजता ते सागर पार्क मैदानावर आयोजित केलेल्या कार्यक्रमाला उपस्थित राहणार आहेत. यानंतर सायंकाळी 5.30 वाजता त्यांचे जळगाव विमानतळावरून मुंबईकडे प्रस्थान होणार आहे.
सागर पार्कवर कार्यक्रमाचे आयोजन –
महिला सशक्तीकरण अभियाना अंतर्गत ‘मुख्यमंत्री माझी लाडकी बहीण योजना’ कार्यक्रमासाठी जळगाव शहरातील सागर पार्क भव्य कार्यक्रमाचे आयोजन करण्यात आले आहे. महायुतीच्या सरकारकडून मुलींसाठी मोफत शिक्षण, महिलांसाठी एस टी प्रवासात सवलत आणि आता मुख्यमंत्री – माझी लाडकी बहीण योजना, अशाप्रकारच्या योजना राबविण्यात येत आहेत. याच पार्श्वभूमीवर सागर पार्कवर आयोजित केलेल्या कार्यक्रमात मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस लाभार्थ्यांसोबत संवाद साधणार आहेत.
यांची असेल उपस्थिती –
जळगावातील सागर पार्कवर आयोजित केलेल्या कार्यक्रमात मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस, उपमुख्यमंत्री अजित पवार, केंद्रीय क्रीडा राज्यमंत्री रक्षाताई खडसे, ग्राम विकास मंत्री गिरीश महाजन, मदत व पुनर्वसन मंत्री अनिल पाटील, जिल्ह्यातील खासदार, आमदार हे सर्वजण उपस्थित राहणार असून हा कार्यक्रम आज दुपारी 3 वाजता सागर पार्कवर होणार असल्याची माहिती पालकमंत्री गुलाबराव पाटील यांनी दिली आहे.
हेही वाचा : Unmesh Patil Interview : ‘एकतर नार-पार नाहीतर हद्दपार…’, उन्मेश पाटील यांची Exclusive मुलाखत
