मुंबई, 13 डिसेंबर : भारताचा डी. गुकेश जागतिक बुद्धीबळ अजिंक्यपद स्पर्धेचा विजेता ठरला आहे. गुकेशने चायनीज ग्रँडमास्टर डिंग लिरेनचा पराभव करत 18 व्या वर्षी हे विजेतपद पटकवल्याने तो जगातील सर्वात तरुण विश्वविजेता ठरला आहे. दरम्यान, डी गुकेश हा विश्वनाथन आनंदनंतर आता भारताचा दुसरा विश्वविजेता ठरला आहे. गुकेशने या गॅरी कास्पोरोव्ह याचा विक्रम मोडत भारतीयांसाठी अभिमानास्पद कामगिरी ठरली आहे.
विश्वनाथन आनंदनंतर दुसरा विश्वविजेता –
जागतिक बुद्धीबळ अजिंक्यपद स्पर्धेत डी. गुकेशने चीनच्या लिरेनचा 14 डावानंतर 7.5-6.5 अशा गुणांनी पराभव केला. यानंतर गुकेश हा सर्वात तरुण विश्वविजेता ठरला आहे. तसेच अशी कामगिरी करणारा तो दुसरा भारतीय खेळाडू ठरला असून त्याच्या आधी विश्वनाथन आनंद 2012 मध्ये बुद्धिबळ चॅम्पियन बनला होता. तसेच गुकेशला वयाच्या 17 व्या वर्षी FIDE ही मानाची बुद्धिबळ स्पर्धा जिंकण्यात तिला यश आले होते.
कोण आहे डी गुकेश? –
डी गुकेश हा चेन्नईचा रहिवासी असून त्याचे पूर्ण नाव डोमराजू गुकेश असे आहे. त्याचा जन्म 29 मे 2006 रोजी चेन्नई येथे झाला असून त्याचे वडील डॉक्टर असून आई व्यवसायाने मायक्रोबायोलॉजिस्ट आहे. डी. गुकेशने वयाच्या 7 व्या वर्षी बुद्धिबळ खेळायला सुरुवात केली. बुद्धीबळाचे त्याला सुरुवातीला भास्कर नागय्या यांनी प्रशिक्षण दिले. यानंतर विश्वनाथन आनंदने गुकेशला खेळाची माहिती देण्याबरोबरच त्याला प्रशिक्षणही दिले.
एकेकाळी गुकेशच्या वडिलांनी आपल्या मुलाच्या भविष्यासाठी स्वतःचे करिअर पणाला लावले होते. या पार्श्वभूमीवर विश्वविजेता बनल्यानंतर गुकेश भावूक झाला. बुद्धिबळासाठी शाळा सोडणाऱ्या गुकेशसाठी विश्वेविजेतेपद जिंकणे हा महत्त्वाचा क्षण होता. तसेच त्याचा विजयानंतर रडतानाचा व्हीडिओ चांगलाच व्हायरल होत आहे.
हेही वाचा : Big Breaking : ‘एक देश, एक निवडणूक’ विधेयकाला केंद्रीय मंत्रिमंडळाची मंजूरी
