जळगाव, (मुंबई) 9 नोव्हेंबर : जळगाव जिल्ह्यातील 14 तालुक्यातील 67 महसूली मंडळामध्ये दुष्काळसदृश्य परिस्थिती जाहीर करण्यात आली आहे. यामध्ये दुष्काळग्रस्तांना देण्यात येणा-या सर्व सवलती लागू होणार आहेत, अशी माहिती मदत, पुनवर्सन व आपत्ती व्यवस्थापन मंत्री अनिल पाटील यांनी दिली आहे. मंत्रालयातील वॉर रूम येथे आज मदत, पुनर्वसन व आपत्ती व्यवस्थापन मंत्री पाटील यांच्या अध्यक्षतेखाली नेमलेल्या मंत्रिमंडळ उपसमितीच्या बैठकीत हा निर्णय घेण्यात आला.
जळगाव जिल्ह्यातील 14 तालुक्यातील 67 महसूली मंडळामध्ये दुष्काळसदृश्य परिस्थिती जाहीर करण्यात आली. तसेच आगामी कालावधीतही दुष्काळसदृश्य परिस्थिती लक्षात घेवून उर्वरीत भागासाठी निर्णय घेण्यात येईल, असेही मंत्री अनिल पाटील यांनी सांगितले.
खालील महसूली मंडळामध्ये दुष्काळसदृश्य परिस्थिती जाहीर –
- जळगाव तालुका – जळगाव, भोकर, म्हसावाद, नशिराबाद, असोदा, पिंप्राळा
- जामनेर तालुका – जामनेर,पहुर,शेंदुर्णी,वाकडी,मालदाभाडी,नेरी,तोंडापूर
- एंरडोल तालुका – एरंडोल, उमरदे (रिंगणगाव), कासोदा, उत्राण
- धरणगाव तालुका – धरणगाव, सोनवंद, पाळधी, पिंपरी खुर्द, साळवा
- भुसावळ तालुका – भुसावळ, वरणगाव, कु-हे प्र.नृ, पिंपळगाव
- बोदवड तालुका – बोदवड, करंजी नवनिर्मित पद महसूली मंडळामध्ये
- यावल तालुका – भालोद, किनगाव, साकळी, फैजपूर, बामणोद
- रावेर तालुका – खिरडी, निभोंरा बुद्रुक
- मुक्ताईनगर तालुका – मुक्ताईनगर, अंतुर्ली, घोडसगाव
- पाचोरा तालुका – पाचोरा, नगरदेवळा, गाळण, पिंपळगाव हरेश्वर, कु-हाड, वरखेड बुद्रूक
- भडगांव तालुका – भडगांव, कांजगाव (गोंडगाव), आमडदे, कोळगाव
- अमळनेर तालुका – अमळनेर, पातोंडा, भरवस, मारवड, अंमळगाव, शिरूड, वावडे
- चोपाडा तालुका – चोपडा, अडावद, गोरगावल बु, चाहाडा, धानोरा प्र.य., लासुर पारोळा तालुका – बहादरपुर, घोरवड, शेवाळे बुद्रुक
- नवनिर्मित पद महसूली मंडळामध्ये चांदसर
मंत्री-अधिकारी बैठकीला उपस्थित –
यावेळी या बैठकीला मंत्रीमंडळ उपसमितीचे सदस्य सहकार मंत्री दिलीप वळसे-पाटील, महसूल मंत्री राधाकृष्ण विखे-पाटील, अन्न,नागरी पुरवठा व ग्राहक संरक्षण मंत्री छगन भुजबळ, ग्रामविकासमंत्री गिरीश महाजन, कृषीमंत्री धनंजय मुंडे, रोजगार हमी योजना मंत्री संदीपानराव भुमरे, मदत व पुनर्वसन विभागाच्या प्रधानसचिव सोनिया सेठी, पशुसंवर्धन विभागाचे सचिव तुकाराम मुंडे, कृषी विभागाचे सचिव सुनिल चव्हाण, वित्त विभागाचे सहसचिव वि.र.दहिफळे, पाणीपुरवठा विभागाच्या उपसचिव वर्षा देशमुख, मदत व पुनर्वसन विभागाचे उपसचिव संजय धारूरकर, जलसपंदा विभागाचे सहसचिव संजय टाटू यावेळी उपस्थित होते.
