ईसा मुसा तडवी
पाचोरा, 28 जुलै : शिवसेना उद्धव बाळासाहेब ठाकरे पक्षाचे प्रमुख तथा महाराष्ट्राचे माजी मुख्यमंत्री उद्धव ठाकरे यांचा वाढदिवस पाचोरा शहर तालुका शिवसेना, युवासेना, महिला आघाडी व अंगीकृत संघटनाच्या वतीने शिवसेना नेत्या वैशालीताई नरेंद्रसिंग सुर्यवंशी यांच्या प्रमुख उपस्थितीत दिनांक 27 जुलै 2023 गुरुवार रोजी उत्साहात विविध कार्यक्रमांनी साजरा करण्यात आला.
वाढदिवसानिमित्त विविध उपक्रम –
माजी मुख्यमंत्री उद्धव ठाकरे वाढदिवसाच्या निमित्ताने ग्रामीण रुग्णालय पाचोरा तथा पाचोरा भडगाव तालुक्यातील सर्व ग्रामपंचायत तथा गावांना नीम वड, बेल आदी 15 झाडे देऊन वृक्षारोपण कार्यक्रम साजरा करण्यात आला. त्यासोबतच पाचोरा येथील लक्ष्मी माता वारकरी संप्रदाय शिक्षण संस्थेतील विद्यार्थी बांधवांना गोड गोड भोजन देऊन साजरा करण्यात आला.
कार्यकर्त्यांचा ठाकरे गटात प्रवेश –
शिवतीर्थ शिवसेना मध्यवर्ती कार्यालय, पाचोरा येथील शेकडो महिलांनी तथा लासुरे, पहाण, वाणेगाव, वेरूळी येथील कार्यकर्त्यांनी वैशालीताई पाटील यांच्या हस्ते ठाकरे गटात पक्षप्रवेश केला. माजी मुख्यमंत्री उद्धव ठाकरे यांच्या वाढदिवसानिमित्त आयोजिक कार्यक्रमात वैशाली सुर्यवंशी कार्यकर्त्यांना आवाहन केले की, आपण सर्व निष्ठावान शिवसैनिकांनी खंबीरपणे साहेबांचे हात बळकट करण्यासाठी समाजातील चांगल्या सुज्ञ व्यक्तींना राजकीय प्रवाहात आणण्याचे काम करावे.
कारण जसे वृक्षारोपण करून पर्यावरणाच्या समतोल राखता येईल त्याचप्रमाणे राजकारणातील समतोल राखण्यासाठी समाजाची सेवा करणार्या निष्ठावान कार्यकर्त्यांना पक्षात सामील करून घ्यावं. माता भगिनींचे तथा समाजाचे सर्व प्रश्न सोडविण्या साठी मी सदैव तत्पर राहील शिवसेनातर्फे राबविल्या जाणाऱ्या कार्यक्रमांच्या माध्यमांतून मदत मिळेल, असेही वैशाली सुर्यवंशी यांनी सांगितले.
यावेळी रमेश बाफना यांनी समायोजित मनोगत व्यक्त केले व नाना वाघ यांनी सूत्रसंचालन व प्रस्ताविक केले. याप्रसंगी दीपकसिंग राजपूत, उद्धव मराठे, अरुण पाटील, रमेश बाफना, शरद पाटील, राजू भैय्या, अनिल सावंत, संदीप जैन, राजेंद्र राणा, पप्पू राजपूत, देविदास पाटील, प्रदीप पाटील, पप्पू जाधव, राजधर आबा प्रेमचंद पाटील, अजय तेली, अरुण तांबे, प्रवीण पाटील, अरुण सोमवंशी, जिभाऊ पाटील, बाळू मोरे, संजय निखिल सोनवणे, हरीश देवरे, गौरव पाटील, संजय चौधरी, इत्यादी पदाधिकारी उपस्थित होते.
