जळगाव, 8 फेब्रुवारी : जळगाव येथील बहिणाई ज्येष्ठ नागरिक महिला संघ आणि चैतन्य जेष्ठ नागरीक संघ यांच्या संयुक्त विद्यमाने हळदी कुंकवाचा कार्यक्रम नुकताच आयोजित करण्यात आला. कार्यक्रमाच्या अध्यक्षा म्हणून गोदावरी फाऊंडेशनच्या सचिव डॉ. केतकी पाटील या उपस्थित होत्या.
तर प्रमुख पाहुणे म्हणून यशदाच्या टे्नर अनिता वाघ तसेच बहिणाई संस्थेच्या सचिव रजनी ताई महाजन आणि बहिणाई संस्थेच्या उपाध्यक्षा सरोजिनी कासट, पीपल्स बँकेच्या अधिकारी चारुशिला खडके, विवेक अमृतकर सर हे होते. तसेच या कार्यक्रमाला चैतन्य नगर संघाचे अध्यक्ष अरुण धांडे आणि जळगाव येथील डॉ. उल्हास पाटील विधी महाविद्यालयाच्या प्र-प्राचार्या डॉ. नयना महाजन (झोपे), अॅड वैशाली बोरसे यादेखील उपस्थित होत्या.
हेही वाचा – जळगाव : डॉ. नयना महाजन यांची डॉ. उल्हास पाटील विधी महाविद्यालयाच्या प्र-प्राचार्यपदी नियुक्ती
या कार्यक्रमाचे सुत्रसंचालन ज्ञानभारती फाऊंडेशनच्या अध्यक्षा भारती कुमावत आणि शालिनी सोनवणे यांनी केले. तसेच या कार्यक्रमाला ललिता महाजन यांचे अनमोल सहकार्य लाभले.
