नवी दिल्ली, 12 जानेवारी : भारतीय लष्कर हे जगातील चौथे क्रमांकाचे लष्कर आहे. दरम्यान, या लष्कराचे आता नवे लष्करप्रमुख लेफ्टनंट जनरल उपेंद्र द्विवेदी हे राहणार आहेत. विद्यमान लष्करप्रमुख जनरल मनोज पांडे हे 30 जून रोजी निवृत्त होत असल्याने त्याच दिवशी लेफ्टनंट जनरल द्विवेदी पांडे यांच्याकडून पदभार स्विकारणार आहेत.
लेफ्टनंट जनरल उपेंद्र द्विवेदी नवे लष्करप्रमुख –
विद्यमान लष्करप्रमुख जनरल मनोज पांडे 31 मे रोजी निवृत्त होणार होते, पण सरकारने त्यांचा कार्यकाळ 30 जूनपर्यंत वाढवला. दरम्यान, लेफ्टनंट जनरल उपेंद्र द्विवेदी यांनी आपल्या 40 वर्षांच्या कारर्कीदीमध्ये त्यांनी अनेक महत्त्वपूर्ण जबाबदाऱ्या पार पाडल्यानंतर त्यांची भारतीय लष्कराचे नवे लष्करप्रमुख म्हणून नियुक्ती करण्यात आलीय.
उपेंद्र द्विवेदी यांचा परिचय –
लेफ्टनंट जनरल द्विवेदी हे मध्य प्रदेशातील रीवा येथील मुळचे रहिवासी असून त्यांचा जन्म 1 जुलै 1964 रोजी झाला. द्विवेदी यांनी सैनिकी शाळेतून शिक्षण पूर्ण केले असून ते राष्ट्रीय संरक्षण अकादमीचे माजी विद्यार्थी राहिलेले आहेत. लेफ्टनंट जनरल द्विवेदी हे 1984 मध्ये लष्कराच्या जम्मू व काश्मीर रायफल्सच्या 18व्या बटालियनमध्ये भरती झाले होते. त्यांची भारतीय लष्काराच्या प्रमुखपदी नियुक्ती करण्यात आली आहे.
लष्कराचे सह-सेनाप्रमुख म्हणून नियुक्त होण्यापूर्वी लेफ्टनंट जनरल द्विवेदी यांनी लष्कराच्या उत्तरी कमांडचेही प्रमुखपद भूषवले आहे. द्विवेदी यांनी 2022-24 या काळादरम्यान त्यांनी पूर्व लडाखशी संदर्भात चीनसोबत सुरू असलेल्या चर्चेत महत्त्वाची भूमिका बजावली. तसेच त्यांनी जम्मू काश्मीरमधील दहशतवादविरोधी कारवायांमध्येही महत्त्वपूर्ण भूमिका निभावली आहे. लेफ्टनंट जनरल द्विवेदी हे लष्कराच्या आधुनिकीकरण प्रक्रियेतही सहभागी झाल्याचे समजते.
हेही वाचा : केंद्रीय कृषीमंत्री शिवराज सिंह चौहान यांनी पदभार स्वीकारताच सांगितले शेतकऱ्यांसाठीचे मिशन
