चोपडा, 20 सप्टेंबर : चोपडा तालुक्यातील आडगाव येथील ज्येष्ठ पत्रकार तथा कवी लेखक साहित्यिक रमेश जे. पाटील यांना, नांदेड (मराठवाडा) येथील महात्मा कबीर समता परिषदेने महाराष्ट्र भूषण व जीवनगौरव पुरस्कार देण्याचे एक पत्राद्वारे घोषित केले आहे.
रमेश पाटील यांना महाराष्ट्र भूषण व जीवनगौरव पुरस्कार –
रमेश जे पाटील यांनी पत्रकारिता व अध्यात्मिक क्षेत्रात केलेल्या कार्याची दखल घेऊन, नांदेड मराठवाडा येथील महात्मा कबीर समता परिषदेचे संस्थापक अध्यक्ष डॉ. मुकुंदराज पाटील, महाराष्ट्र प्रदेशाध्यक्ष डॉ. आनंद भालेराव, डॉ.सय्यद जब्बार पटेल, मार्गदर्शक सा. ना. भालेराव, व सहकाऱ्यांनी दखल घेतली आहे. त्यानुसार सन 2023-24चा महाराष्ट्र भूषण जीवनगौरव पुरस्कार देण्याचे एक पत्राद्वारे घोषित केले आहे.
म.सा.प.संचालक,कवी व साहित्यिक रमेश पाटील यांची आजवर सहा पुस्तके प्रसिद्ध झाली आहेत. सहकार क्षेत्रात देखील त्यांनी चोपडा शेतकरी सहकारी साखर कारखाना, चोपडा तालुका शेतकरी सहकारी खरेदी विक्री संघ, आडगाव विविध कार्यकारी सहकारी सोसायटीवर, संचालक म्हणून काम केलेले आहे. तालुक्यातील अनेकांनी त्यांचे कौतुक केले आहे.
हेही पाहा : Yogendra Puranik Interview : जपानमधील मराठमोळे आमदार योगेंद्र पुराणिक यांची विशेष मुलाखत
