पुणे, 21 मे : गेल्या अनेक दिवसांपासून विद्यार्थ्यांना बारावीच्या निकालाची प्रतिक्षा होती. दरम्यान, विद्यार्थ्यांची ही प्रतिक्षा संपली असून आज दुपारी 1 वाजता बारावीचा निकाल जाहीर होणार आहे. राज्य शिक्षण मंडळाने दिलेल्या संकेतस्थळावरून ऑनलाईन पद्धतीने हा निकाल पाहता येणार आहे.
आज बारावीचा निकाल –
महाराष्ट्र बोर्डाचा बारावीचा निकाल आज जाहीर करण्यात येणार आहे. महाराष्ट्र राज्य माध्यमिक आणि उच्च माध्यमिक शिक्षण मंडळाने उच्च माध्यमिक प्रमाणपत्र निकालासाठी अधिसूचना काल जारी केली. या अधिसूचनेनुसार, महाराष्ट्र बोर्ड बारावीचा निकाल आज दुपारी 1 वाजता जाहीर केला जाणार आहे.
महाराष्ट्र राज्य माध्यमिक आणि उच्च माध्यमिक शिक्षण मंडळाकडून फेब्रुवारी-मार्च महिन्यात परीक्षा घेण्यात आली होती. बारावीच्या परीक्षेसाठी एकूण 15 लाख 13 हजार 909 विद्यार्थ्यांनी नोंदणी केली होती. राज्य शिक्षण मंडळाची बारावीची परीक्षा नऊ विभागीय मंडळांतर्फे आयोजित करण्यात आली होती. दरम्यान, मंडळामार्फत फेब्रुवारी-मार्च 2024 मध्ये आयोजित करण्यात आलेल्या उच्च माध्यमिक प्रमाणपत्र परीक्षेचा निकाल मंडळाच्या विहित कार्यपद्धतीनुसार आज दुपारी जाहीर करण्यात येणार आहे.
विद्यार्थ्यांनो खालील लिंकवर क्लिककरून पाहा निकाल –
1) mahresult.nic.in
2) mahahsscboard.in
3) hsc.mahresults.org.in
4) hscresult.mkcl.org
5) results.gov.in.
