ईसा तडवी, प्रतिनिधी
पाचोरा, 28 जुलै : राज्याचे सार्वजनिक बांधकाम मंत्री (सार्व. उपक्रम) तथा नाशिक जिल्ह्याचे पालकमंत्री दादा भुसे हे पाचोऱ्यात येत असून आज दुपारी 3 वाजता ते शिवसेना पदाधिकारी व कार्यकर्ता मेळाव्यास मार्गदर्शन करणार आहेत.
मंत्री दादाजी भुसे यांच्या दौऱ्याचे असे आहे नियोजन –
सार्वजनिक बांधकाम मंत्री (सार्व. उपक्रम) दादा भुसे यांचे मालेगाव येथुन शासकीय वाहनाने (चाळीसगाव-कजगांव मार्गे) नांद्रा येथील नर्मदा अॅग्रो इंडस्ट्रीज येथे आज सकाळी 11 वाजता आगमन होणार आहे. यावेळी ते शिवसेनेच्या बुथप्रमुख मेळावा शिबीरास मार्गदर्शन करणार आहेत.
शिवसेना पदाधिकारी व कार्यकर्ता मेळावा –
पाचोरा-भडगाव विधानसभा मतदारसंघाचे आमदार किशोर पाटील यांनी शिवालय येथे शिवसेना पदाधिकारी व कार्यकर्ते मेळाव्याचे आज दुुपारी 3 वाजता आयोजन केले आहे. दरम्यान, या मेळाव्यास मंत्री दादा भुसे उपस्थित राहणार असून आगामी विधानसभा निवडणुकीच्या पार्श्वभूमीवर ते पदाधिकारी-कार्यकर्त्यांना मार्गदर्शन करणार आहेत. यानंतर ते मुंबईकडे रवाना होणार आहेत.
हेही वाचा : श्रमिक आधार पत्रकार संघाच्या महाराष्ट्र प्रदेशाध्यक्षपदी शशिकांत दुसाने यांची नियुक्ती
