भाजपमध्ये पाचोरा तालुक्यातील नगरदेवळा मंडळाध्यपदी गोविंद शेलार तर पिंपळगाव मंडळामध्ये शोभाताई शांतीलाल यांची निवड

ईसा तडवी, प्रतिनिधी

पाचोरा, 27 एप्रिल : भारतीय जनता पार्टीची राष्ट्रीय, प्रदेशस्तरापासून ते जिल्हा,शहर,महानगर तसेच मंडळ स्तरावर संघटनात्मक रचना प्रणाली सुरू असून या अंतर्गत भाजप मंडळ अध्यक्षांची निवड प्रक्रिया पार पडत आहे. दरम्यान, जळगाव जिल्ह्यातील पाचोरा तालुक्यातील नगरदेवळा मंडळ अध्यक्षपदी गोविंद शेलार तर पिंपळगाव मंडळामध्ये शोभाताई शांतीलाल तेली यांची निवड करण्यात आली आहे. निवड निवडणूक निर्णय अधिकारी धनंजय सुकदेव मांडोळे (जिल्हा सरचिटणीस जळगाव पश्चिम) यांनी ही निवड घोषित केली.

सदर निवड ही पाचोरा येथील शासकीय विश्रामगृहाच्या सभागृहात पार पडली. याप्रसंगी तालुक्यातील सर्व कार्यकर्ते उपस्थित होते. बैठकीचे सूत्रसंचलन जिल्हा उपाध्यक्ष मधुकर काटे यांनी केले. याप्रसंगी पहेलगाम येथील अतिरेकी हल्ल्यात मृत्युमुखी पडलेल्या सर्व हिंदू बांधवांना सामुहिक श्रद्धांजली अर्पण करण्यात आली.

सदर निवडीबद्दल मंत्री गिरीश महाजन, खासदार स्मिता वाघ, संघटनमंत्री रवि अनासपुरे, आमदार मंगेशदादा चव्हाण, प्रदेश सरचिटणीस विजयजी चौधरी, जिल्हाध्यक्ष ज्ञानेश्वर जळकेकर महाराज, जिल्हा निवडणूक अधिकारी नंदु महाजन, डॉ.राधेश्याम चौधरी, जिल्हा उपाध्यक्ष मधुकर काटे, मा. जिल्हा परिषद सदस्य डी. एम. पाटील, माजी सभापती सुभाष पाटील, प्रदेश कार्यकारीणी निमंत्रित सदस्य अमोल नाना पाटील यांनी नवनियुक्त मंडल अध्यक्षांचे अभिनंदन केले.

सदर बैठकीस प्रमुख उपस्थिती भाजपचे जि. उपाध्यक्ष प्रदीप पाटील, जि. कोषाध्यक्ष कांतीलाल जैन, जि. अध्यक्ष व्यापारी आघाडी रमेश वाणी, जि. उपाध्यक्ष वैद्यकीय आघाडी डॉ. शांतीलाल तेली, मा. विधानसभा क्षेत्र प्रमुख हिम्मतसिंग निकम, मा. शहराध्यक्ष नंदू सोमवंशी, विनोद महाजन, योगेश माळी, बापू चौधरी, गणेश पाटील, गोकुळ राठोड, स्वप्निल पाटील, संजू भाऊ पाटील, आदी भाजपचे पदाधिकारी-कार्यकर्ते उपस्थित होते.

मंडळ अध्यक्षांच्या निवड प्रक्रिया –
सध्या भाजपची पन्ना प्रमुख, बूथ प्रमुख, वॉर्ड अध्यक्ष, मंडळ अध्यक्ष, जिल्हाध्यक्ष आणि प्रदेशाध्यक्ष, अशा स्तरांवर ही रचना आहे. विधानसभेच्या निवडणुकीत मिळालेल्या घवघवीत यशानंतर पक्षात मोठ्या प्रमाणावर नवीन कार्यकर्त्यांचा प्रवेश झाला असून आगामी स्थानिक स्वराज संस्थांच्या निवडणुकीच्या आधी मंडळ अध्यक्षांच्या निवड केली जात आहे. जळगाव जिल्ह्यात जळगाव आणि रावेर असे दोन लोकसभा मतदारसंघ असून यामध्ये येणाऱ्या मंडळ अध्यक्षांच्या निवडीची प्रक्रिया पार पडत आहे.

पाचोरा शहर मंडळाची निवड स्थगित –
भारतीय जनता पक्षाची घडी अधिक मजबूत करण्यासाठी आणि नव्या कार्यकर्त्यांना नेतृत्वाची संधी देण्यासाठी भाजपकडून प्रत्येक विधानसभा मतदारसंघात किमान तीन मंडळ अध्यक्ष नियुक्त करण्यात येत आहेत. दरम्यान, पाचोरा तालुक्यात आता नगरदेवळा तसेच पिंपळगाव (हरे.) मंडळात अध्यक्षांची निवड झाली असताना पाचोरा शहर मंडळाची निवड स्थगित करण्यात आली आहे.

बातमी शेअर करा !