संदीप पाटील, प्रतिनिधी
पारोळा, 1 सप्टेंबर : पारोळा येथील राणी लक्ष्मीबाई महाविद्यालयात क्रीडा विभागातर्फे मेजर ध्यानचंद जयंती व राष्ट्रीय क्रीडा दिनानिमित्त माजी विद्यार्थी व महाराष्ट्र पोलीस उपनिरीक्षक पदी निवड झालेला मल्लखांब खेळाडू गुरुप्रसाद चव्हाण व एस. आर. पी. विभागात निवड झालेला प्रशांत बागुल तसेच क.ब.चौ. उत्तर महाराष्ट्र विद्यापीठ संघात निवड झालेल्या खेळाडूंचा सत्कार करण्यात आला.
मेजर ध्यानचंद जयंती साजरी –
कार्यक्रमाचे अध्यक्ष प्राचार्य डॉ. व्ही. आर. पाटील होते. तर प्रमुख अतिथी म्हणून संचालक ॲड. रोहन मोरे, पारोळा नगरपालिकेचे मुख्याधिकारी किशोर चव्हाण होते. व्यासपीठावर उपप्राचार्य तथा क्रीडा संचालक डॉ. संजय भावसार, डॉ. ए. एम. पाटील, डॉ. जी. पी. बोरसे, डॉ. डी. आर. पाटील, क्रीडा समिती सदस्य प्रा. एस. सी. पाटील, डॉ. एस. एम.पाटील, डॉ. एस. एन. पाटील, डॉ. आर. बी. नेरकर, डॉ. डी. एच. राठोड, डॉ. के. डी. अहिरराव उपस्थित होते. कार्यक्रमाच्या सुरुवातीला मेजर ध्यानचंद यांच्या प्रतिमेचे पूजन व माल्यार्पण मान्यवरांच्या हस्ते झाले.प्रास्ताविक डॉ .संजय भावसार यांनी केले.
मुख्याधिकारी किशोर चव्हाण यांनी मनोगतात क्रिडा क्षेत्राचे महत्व व क्रीडा क्षेत्रामुळे विद्यार्थ्यांना मिळणारे फायदे यांचे महत्त्व सांगितले. ॲड. रोहन मोरे यांनी मार्गदर्शनात खेळाचे महत्त्व व क्रीडा क्षेत्रात भाग घेतल्यामुळे शारीरिक व आरोग्यदायी फायदे होतात, असे सांगितले. प्राचार्य डॉ .व्ही. आर. पाटील यांनी अध्यक्षीय मनोगतात खेळाडूंनी क्रीडा क्षेत्रातील विविध खेळात चमकदार कामगिरी केल्यास नोकरीची हमखास संधी उपलब्ध असल्याचे सांगितले.
याप्रसंगी पोलीस उपनिरीक्षक पदी निवड झालेला मल्लखांब खेळाडू गुरुदत्त चव्हाण यांनी क्रिडा क्षेत्रामुळे मला ही संधी मिळाल्याचे सांगितले. प्रा. जे. बी. पाटील यांनी सूत्रसंचालन व आभारप्रदर्शन केले. सदरप्रसंगी माजी खेळाडू राकेश करोसिया, ऋषिकेश मुळे व सर्व खेळाडू उपस्थित होते.
हेही वाचा : राज्यात आजपासून मुसळधार पाऊस, या भागात ‘रेड अलर्ट’, जळगाव जिल्ह्याचा असा आहे हवामान अंदाज
