नवी दिल्ली, 21 फेब्रुवारी : नवी दिल्लीत आजपासून 98व्या अखिल भारतीय मराठी साहित्य संमेलनास सुरूवात होणार आहे. पंतप्रधान नरेंद्र मोदी यांच्या हस्ते नवी दिल्लीतील विज्ञान भवनात मराठी साहित्य संमेलनाचे उद्घाटन होणार आहे. डॉ. तारा भावळकर संमेलनाध्यक्ष तर शरद पवार संमेलनाचे स्वागताध्यक्ष असणार आहेत. यावेळी मुख्यमंत्री देवेंद्र फडणवीस साहित्य संमेलनाचे प्रमुख पाहुणे असणार आहेत.
पंतप्रधानांच्या हस्ते होणार उद्घाटन –
नवी दिल्लीत तब्बल सात दशकांनंतर मराठी साहित्य संमेलाचे आयोजन करण्यात आले आहे. आजपासून ते 23 फेब्रुवारी पर्यंत असे तीन दिवस हे साहित्य संमेलन असणार आहे. या संमेलनाचे पंतप्रधान मोदींच्या हस्ते उद्घाटन होणार आहे. आज दुपारी साडेतीन वाजता दिल्लीत विज्ञान भवनात मराठी साहित्य संमेलनाला सुरूवात होईल. दरम्यान, दिल्लीत होणाऱ्या मराठी साहित्य संमेलनात पंतप्रधान मोदी, शरद पवार, मुख्यमंत्री फडणवीस एकाच मंचावर एकत्र येणार आहेत. तर देवेंद्र फडणवीस साहित्य संमेलनाचे प्रमुख पाहुणे असणार आहेत.
यांची असेल उपस्थिती –
यासोबतच उपमुख्यमंत्री अजित पवार आणि एकनाथ शिंदे, माजी मुख्यमंत्री सुशील कुमार शिंदे, मंत्री उदय सामंत आणि आशीष शेलार, काँग्रेस नेते व माजी मुख्यमंत्री पृथ्वीराज चव्हाण, माजी केंद्रीय कॅबिनेट मंत्री सुरेश प्रभू, महाराष्ट्र विधान परिषदेच्या उपसभापती नीलम गोऱ्हे यांच्यासह अनेक नेतेमंडळी उपस्थित संमेलनात उपस्थिती नोंदविणार आहेत.
