शिवसेना ठाकरे गटाची दुसरी यादी जाहीर, जळगाव जिल्ह्यातून 'यांना' मिळाली संधी

जळगाव, 26 ऑक्टोबर : विधानसभा निवडणुकीसाठी राजकीय पक्षांकडून टप्प्याटप्प्याने उमेदवारी जाहीर करण्यात येत आहे. शिवसेना ठाकरे गटाकडून पहिली यादी जाहीर केल्यानंतर आता दुसरी यादी जाहीर करण्यात आली असून या यादीमध्ये एकूण 15 उमेदवारांचा समावेश आहे. यामध्ये जळगाव जिल्ह्यातील जळगाव शहर आणि चोपडा विधानभा मतदारसंघाचा समावेश आहे.

जळगाव शहरातून जयश्री महाजन यांना संधी –
जळगाव शहर विधानसभा मतदारसंघातून जळगाव महानगरपालिकेच्या माजी महापौर जयश्री सुनिल महाजन यांना संधी देण्यात आली आहे. महाविकास आघाडीत जळगाव शहर हा विधानसभा मतदारसंघ शिवसेना ठाकरे गटाच्या वाटेला आला असून यामध्ये जयश्री महाजन यांना उमेदवारी देण्यात आली आहे. भाजपचे विद्यमान आमदार सुरेश भोळे विरूद्ध शिवसेना ठाकरे गटाकडून जयश्री महाजन असा सामना जळगाव शहर मतदारसंघात रंगणार आहे. तर दुसरीकडे कुलभूषण जाधव यांनी देखील उमेदवारी अर्ज दाखल केला आहे.

चोपडा मतदारसंघातून राजू तडवी यांना उमेदवारी जाहीर –
चोपडा विधानसभा मतदारसंघ हा अनुसूचित जमातीच्या उमेदवारांसाठी राखीव असून शिवसेनेच्या लता सोनवणे ह्या मतदारसंघाचे प्रतिनिधित्व करत आहेत. याठिकाणी आता शिवसेना ठाकरे गटाकडून राजू तडवी यांना उमेदवारी देण्यात आली आहे. दरम्यान, शिवसेनेकडून चंद्रकांत सोनवणे यांना उमेदवारी देण्यात आली असल्याने चंद्रकांत सोनवणे विरूद्ध राजू तडवी अशी जोरदार लढत होणार आहे.

धुळे शहरमधून अनिल गोटे यांना उमेदवारी –
धुळे शहर विधानसभा मतदारसंघात शिवसेना ठाकरे गटाकडून अनिल गोटे यांना उमेदवारी जाहीर करण्यात आली आहे. महायुतीत धुळे शहर हा मतदारसंघ भाजपकडे असल्याने याठिकाणी अनुप अग्रवाल यांना उमेदवारी देण्यात आली आहे. दरम्यान, भाजपकडून अनुप अग्रवाल विरूद्ध शिवसेना ठाकरे गटाकडून अनिल गोटे असा सामना रंगणार आहे.

शिवसेना ठाकरे गटाची दुसरी यादी जाहीर –

1) धुळे शहर- अनिल गोटे

2)चोपडा (अज)- राजू तडवी

3) जळगाव शहर- जयश्री सुनील महाजन

4) बुलढाणा- जयश्री शेळके

5) दिग्रस- पवन श्यामलाल जयस्वाल

6) हिंगोली- रूपाली राजेश पाटील

7) परतूर- आसाराम बोराडे

8) देवळाली (अजा) योगेश घोलप

9) कल्याण पश्चिम- सचिन बासरे

10) कल्याण पूर्व – धनंजय बोडारे

11) वडाळा- श्रद्धा श्रीधर जाधव