मुंबई : आमदार निवास कॅन्टीनमध्ये शिळं जेवण दिल्याच्या कारणावरुन शिवसेना शिंदे गटाचे आमदार संजय गायकवाड यांनी एका कर्मचाऱ्याला मारहाण केली. या घटनेचा व्हिडिओही समोर आला आहे. दरम्यान, आता या प्रकरणी आमदार संजय गायकवाड यांनी नेमकं काय घडलं, याबाबत स्पष्टीकरण दिले.
काय म्हणाले आमदार संजय गायकवाड?
याप्रकरणी आमदार संजय गायकवाड म्हणाले की, ” मागील 30 वर्षांपासून मी आकाशवाणी कॅन्टीनमध्ये येत आहे आणि साडेपाच वर्षांपासून येथे राहतो. मी वारंवार त्यांना चांगले जेवण देण्याची विनंती केली आहे. याठिकाणी 15 दिवसांची अंडी, मांसाहारी 15-20 दिवसांच्या, तसेच 2-4 दिवसांच्या भाज्या जवळजवळ 5 ते दहा हजार लोकं इथे येथे खातात आणि प्रत्येकाची हीच तक्रार आहे. कोणाच्या जेवणात सरडा आहे, तर कोणाच्या जेवणात उंदीर किंवा दोरी आहे.
मी काल रात्री १० वाजता जेवण मागवले आणि पहिला घास घेतल्यानंतर मला वाटले की काहीतरी गडबड आहे. यानंतर त्याचा वास घेतल्यानंतर मला ते शिळे अन्न आढळले. मी खाली गेलो आणि ते बनवणाऱ्या व्यवस्थापकाला विचारले. मी सर्वांना अन्नाचा वास दिला आणि सर्वांना ते शिळे आढळले.
यावेळी मी त्यांना पुन्हा समजावून सांगितले की, त्यांनी स्वच्छ आणि चांगले अन्न बनवावे, विषारी अन्न खाणे आरोग्यासाठी धोकादायक आहे. जर ते अजूनही ऐकत नसतील, तर मी त्यांना समजावून सांगण्याची माझी स्वतःची पद्धत आहे. दरवर्षी, सरकार हजारो तक्रारी येतात आणि मला माहित नाही की त्या का दुर्लक्षित केल्या जातात, त्यांची चौकशी का केली जात नाही?, स्वयंपाकघरात उंदीर आणि घाण असते. याची तपासणी झाली पाहिजे, पण कोणीही काळजी घेत नाही, असे म्हणत लोकांच्या आरोग्याशी खेळू नये म्हणून त्यावर कारवाई करण्याची विनंतीही त्यांनी केली. ते एएनआय या वृत्तसंस्थेशी बोलत होते.
नेमकं काय घडलं होतं?
बुलढाण्याचे शिंदे गटाचे आमदार संजय गायकवाड यांनी काल रात्री मंगळवारी 8 जुलै रात्री मुंबईतील आमदार निवासातील कॅन्टीनमध्ये जेवणाची ऑर्डर दिली. यावेळी त्यांना ऑर्डरप्रमाणे रूममध्ये जेवणही देण्यात आले. मात्र, या जेवणात डाळ आणि भात हे शिळा होता आणि त्याचा वास येत होता, असा आरोप करत आमदार संजय गायकवाड यांनी थेट आमदार निवासातील कॅन्टीन व्यवस्थापकाला धारेवर धरले आणि त्याच्या कानशिलात लगावली. टॉवेल आणि बनियानवरच आमदार संजय गायकवाड हे रुमच्या बाहेर आले आणि त्यांनी कॅन्टिनमध्ये व्यवस्थापकाच्या कानशिलात लगावत त्याला जाब विचारला. तसेच ते आज हा मुद्दा विधानसभेतही मांडणार असल्याचे त्यांनी सांगितले. दरम्यान, काल झालेल्या या घटनेचा व्हिडिओही व्हायरल होत आहे.
