नंदुरबार : नंदुरबार जिल्ह्यातील तळोदा तालुक्यातील गणेश बुधवल येथे एका महिलेवर बिबट्याने हल्ला केला. या हल्ल्यात महिलेचा ठार झाल्याची घटना ताजी असतानाच आणखी एक दुर्दैवी घटना घडली. ही घटना ताजी असतानाच पुन्हा एकदा बिबट्याने हल्ला केल्याची घटना घडली. शेतात मका घेण्यासाठी गेलेल्या 10 वर्षीय बालिकेवर हल्ला केला. तिला शेतात फरफटत नेले. या हल्ल्यात या 10 वर्षीय बालिकेचा जागीच मृत्यू झाला.
दीपमाला नरसिंग तडवी (रा. सरदार नगर) असे मृत मुलीचे नाव आहे. दीपमाला ही आपल्या मैत्रिणीसोबत काल सकाळच्या सुमारास रेवानगर येथील तिचे आजोबा शिवा धुर्या पाडवी यांच्या मक्याच्या शेतात मक्का घेण्यासाठी गेली होती. यावेळी शेतात मका तोडण्यासाठी शेतात घुसली असतानाच बिबट्याने तिच्यावर हल्ला चढविला. तिला पकडून मक्याच्या शेतातून 50 मीटर अंतरावर फरफटत नेले. बिबट्याने केलेल्या हल्ल्यात बालिकेच्या मानेवर, कानाजवळ जबर जखमी करत तिला जागीच ठार केले.
यावेळी दीपमाला हिच्यासोबत असलेली तिची मैत्रीण प्रचंड भयभीत झाली. तिने घरी जाऊन ही घटना सांगितली. यानंतर ग्रामस्थ शेताच्या दिशेने धावत आले असता त्यांना दीपमाला हिचा मृतदेह आढळून आला. एका 45 वर्षीय महिलेला बिबट्याने ठार केल्याची घटना ताजी असतानाच पुन्हा एका निरागस बालिकेचा बिबट्याच्या हल्ल्यात मृत्यू झाला आहे. त्यामुळे सलगच्या होत असलेल्या बिबट्याच्या हल्ल्याच्या घटनेने तळोदा तालुका हादरला आहे.
लोकांमध्ये भितीचे वातावरण –
बिबट्याच्या हल्ल्याच्या घटनेमुळे लोकांमध्ये भीतीचे वातावरण निर्माण झाले आहे. कधी कुणावर हल्ला होईल, या भितीने शेत शिवारातील नागरिक भयभीत झालेले आहेत. त्यामुळे वनविभागाने फक्त पंचनामा न करता बिबट्याला हद्दपार करण्यासाठी विशेष मोहीम राबवावी, अशी मागणी नागरिकांनी केली आहे.
हेही वाचा – घरकुलांना मोफत वाळू मिळणार, मंत्री चंद्रशेखर बावनकुळेंनी दिली महत्त्वाची माहिती, नेमकं काय म्हणाले?
