लासगाव, 10 मे : पुणे येथील दि प्रीमियर को आप लिमिटेड महाराष्ट्र सहकारी मुद्रणालयाची 2025 ते 2030 साठी निवडणूक पार पडली. यामध्ये पाचोरा तालुक्यातील लासगाव येथील जेष्ठ पत्रकार विजय पाटील तसेच पाचोरा-भडगाव कृषी उत्पन्न बाजार समितीचे माजी संचालक राजेंद्र पंडित तायडे यांची संचालकपदी बिनविरोध निवड करण्यात आली. दरम्यान, लासगाव ग्रामपंचायतीत आज 10 मे रोजी पाचोरा-भडगावचे आमदार किशोर आप्पा पाटील यांच्या हस्ते राजेंद्र तायडे यांचा सत्कार करण्यात आला.
आमदार किशोर आप्पा पाटील यांच्या हस्ते सत्कार –
पाचोरा भडगाव मतदारसंघाचे आमदार किशोर आप्पा पाटील यांनी आज लासगाव ग्रामपंचायत येथे राजेंद्र तायडे यांचा शाल आणि श्रीफळ देत सत्कार केला. तसेच दि प्रीमियर को आप लिमिटेड महाराष्ट्र सहकारी मुद्रणालयाच्या संचालकपदी बिनविरोध निवड झाल्याबद्दल आमदार पाटील यांनी तायडेंना पुढील वाटचालीस शुभेच्छा दिल्या.
यावेळी सरपंच समाधान पाटील, उपसरपंच वाहेद देशमुख, मधूकर पैठणकर, गोपाल देवसिंग पाटील, सुनिल पांडुरंग पाटील, इम्रान शेख, भरत महाजन, राजेंद्र हरी महाजन, नंदसिंग पाटील, दयाराम धोंडू सुर्यवंशी, सुरेश पाटील, उज्ज्वल पाटील यांच्यासह ग्रामस्थ होते.
